ایف پی سی سی آئی کے صدر انجینئردارو خان اچکزئی کا چین میں تاجر کانفرنس سے خطا ب

بدھ ستمبر 19:57

ایف پی سی سی آئی کے صدر انجینئردارو خان اچکزئی کا چین میں تاجر کانفرنس ..
کراچی۔ (اُردو پوائنٹ اخبارتازہ ترین - اے پی پی۔ 18 ستمبر2019ء) فیڈریشن آف پاکستان چیمبر ز آف کامرس اینڈانڈسٹر ی کے صدر انجینئر دارو خان اچکزئی جو اس وقت چین کے شہرChengduمیں ہیں نے 18ستمبر کو چین جنو ب اور جنو ب مشر قی ایشیا ء اور جنوبی مشرقی ایشیائی ممالک کے تا جر رہنما ئو ں کی کا نفر نس کی صدارت کی کیو نکہ اس سال اس کانفر نس کی صدارت کی باری پاکستان کی تھی۔

بدھ کو یہاں جاری کردہ اعلامیہ کے مطابق کا نفرنس کے افتتاحی تقریب میں ایف پی سی سی آئی کے صدر انجینئر دارو خان اچکزئی نے کا نفر نس کیTheme جو کہ ون بیلٹ ون روڈ کے تحت سچوان اور جنو ب وجنوب مشر قی ایشیا ئی ممالک کے مابین تجا رت ،معیشت و سرما یہ کاری میں تعاون وفرغ کی اہمیت کو اجا گر کیا ۔ انہوں نے پاکستان میں مو جو د CPEC منصوبے کے تحت سر مایہ کاری کے مواقعو ں کی بھی وضا حت کی اس کے علاوہ انہوں نے چین جنوبی ایشیا ء اور جنو بی مشرقی ایشیا ئی ممالک کے ما بین علاقائی تجا رت کی اہمیت پر بھی زور دیا ۔

(جاری ہے)

کا نفر نس میں دو سرے لیڈران میں سچوان کے نائب گورنر ، سارک چیمبر آف کامرس اینڈ انڈسٹر ی کے صدر، وائس چیئر مینCCPIT اور جنو ب وجنوب مشرقی ایشیا ئی ممالک کے نما ئند وں نے بھی خطاب کیااور علا قا ئی تعاون میں پاکستان کے کردار اور اہمیت کو اجا گر کیا اورپاکستان کو One Belt One Road کا ایک لا زمی حصہ قرار دیا۔ ایف پی سی سی آئی کے صدر انجینئر دارو خان اچکز ئی نے اسلا م آباد میں قا ئم ہو نے والے Pandaسینٹر کے افتتا ح اور اسلا م آباد میں قائم ہو نے والے سچوان کمو ڈیز سینٹر اینڈ کلچر سینٹر کے معاہد ے پر دستخط کے با رے میں بتا یا ۔

سچوان کی صو با ئی حکومت نے ایف پی سی سی آئی سے در خواست کی ہے کہ وہ مستقبل میںChengdu ایسو سی ایشن برا ئے بین الاقوامی تجا رت اور معاشی تعاون(CAFTEC) کے ساتھ ثقا فتی اور تجا رتی شعبو ں میںتعلقات بڑھانے اور مختلف سر گر میاں بڑھانے کر نے کے لیے ایک معاہدے پر دستخط کر یں کیونکہ Chengduاور لا ہو ر جڑواں شہر بن چکے ہیں ۔