مغربی سفیدفام انتہاپسندوں ‘بھارتی آرایس ایس اور نازی پارٹی کے نظریات ایک ہی ہیں. پیٹرفریڈرک
مودی کے ہاتھ بے گناہ انسانوں کے خون سے رنگے ہوئے ہیں‘اسے خوش آمدید کہنے کے بجائے واپس چلے جانے کا کہنا چاہیے. امریکی تجزیہ کار کا ہیوسٹن سٹی کونسل کے اجلاس سے خطاب
میاں محمد ندیم جمعرات 19 ستمبر 2019 16:19
(جاری ہے)
ہیوسٹن سٹی کونسل کے اجلاس میں خطاب کے دوران پیٹرفریڈرک نے کہا کہ ہیوسٹن میں رہنے والوں کو مودی کو خوش آمدید کہنے کے بجائے کہنا چاہیے کہ وہ یہاں سے چلے جائیںپیٹرفریڈرک نے کہا کہ پچھلے مہینے ایک سفیدفام انتہاپسند دہشت گرد نے الپاسو ٹیکساس میں 22 افراد کوقتل کردیا‘اس نے یہ شیطانی عمل کرائس چرچ نیوزی لینڈ کی مسجد میں51 افراد کے قتل سے متاثرہوکرکیا جبکہ نیوزی لینڈ میں قتل عام کرنےوالا سفید فام شخص2011 میں ناروے میں 77 افرادکے قتل سے متاثرتھا. انہوں نے بتایا کہ ناروے میں قتل عام کرنےوالے دہشت گرد اینڈرس بریوک سے ایک منشورملا‘اس منشور سے پتاچلاکہ وہ کیسے دنیا بھر میں مختلف انتہاپسندگروپوں اورقوم پرستوں سے متاثرتھا اس منشور میں دہشت گرد بریوک نے بھارت میں آرایس ایس کا تذکرہ کیا. دہشت گرد نے آرایس ایس کے ہندوقوم پرستوں اوران کے پورے بھارت کوہندوبنانے کے نظریے کی تعریف کی‘دہشت گرد نے آرایس ایس کے گلی کوچوں پرقبضے،فسادات کرنے اور مسلمانوں پرحملوں جیسے اقدامات کی تعریف کی. انہوں نے بتایا کہ سفید فام انتہا پسند دہشت گردبریوک نے کہا کہ سفیدفام انتہا پسند اورآرایس ایس ایک جیسی تنظیمیں ہیںانہیں ایک دوسرے سے سیکھنا چاہیے اورجتنا ممکن ہوسکے تعاون کرناچاہیے‘ آرایس ایس ایک فسطائی نیم فوجی تنظیم ہے جو1950 میں قائم ہوئی یہ ٹھیک وہی سال ہے جب ہٹلر نے مائن کمپف نامی کتاب لکھی‘آرایس ایس نازی نظریات سے متاثرہوکر بنائی گئی جس نے نریندرمودی جیسے شخص کوبنایا‘مودی نے 2002 آرایس ایس کے فوجی کی حیثیت سے دوہزارمسلمانوں کے قتل عام کی نگرانی کی. انہوں نے کہا کہ آرایس ایس کے کارندوں نے خواتین سے اجتماعی زیادتی کی،گردنیں کاٹیں اور مسلمانوں کوزندہ جلایا‘ اس قتل عام کی منصوبہ بندی کرنےوالے سرکردہ راہنماﺅں نے بعد میں کیمرے کے سامنے اقرارکیا کہ اس تشدد کی منظوری خود نریندرمودی نے دی تھی ، اس ہی وجہ سے نریندرمودی پردس سال تک امریکا میں داخلے پرپابندی تھی. انہوں نے کہا کہ آج مودی کی سخت گیرحکومت میں عیسائی،دلت ،مسلمان،سکھ اورہروہ ہندو جونفرت،تشدداور آرایس ایس کے ہندوبالادستی کے نظریے سے اختلاف رکھتا ہے وہ خوف میں زندگی بسرکررہا ہے. فریڈرک نے کہا کہ مودی کے ہاتھ خون سے رنگے ہوئے ہیں، وہ لوگ جو مودی کوخوش آمدید کہنے کے لیے اس سے ہاتھ ملائیں گے وہ اس کے جرم میں برابرکے حصہ دارہونگے وروہ یہ داغ کبھی نہیں مٹاپائیں گے.
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.