فیصل آباد انٹرنیشنل ائیر پورٹ سے مسافر کے قبضہ سے کروڑوں روپے مالیت کی چار کلو گرام آئس برآمد

جمعرات 19 ستمبر 2019 18:20

فیصل آباد (اُردو پوائنٹ اخبارتازہ ترین - اے پی پی۔ 19 ستمبر2019ء) : فیصل آباد انٹرنیشنل ائیر پورٹ سے مسافر کے قبضہ سے کروڑوں روپے کی چار کلو گرام آئس برآمد ، ائیر پورٹ سکیورٹی حکام نے ملزم کو گرفتار کرکے اے این ایف پنجاب کے حوالے کردیا ۔

(جاری ہے)

تفصیلات کے مطابق جمعرات کے روز فیصل آباد سے ریاض جانے والی فلائٹ سے سفر کرنیوالے مسافر کے سامان سے کروڑوں روپے مالیت کی چار کلو گرام آئس برآمد کرلی ۔اے این ایف حکام نے تصدیق کرتے ہوئے بتایا کہ پشاور کے رہائشی مقصود خان ولد زرولی خان کو فیصل آباد ائیر پورٹ سے 4کلو گرام آئس سمیت تحویل میں لیا گیا ۔ملزم کیخلاف فیصل آبا د اے این ایف سٹیشن میں مقدمہ درج کرکے ضابطہ کی کاروائی شروع کرد ی گئی ہے ۔