محرم،کشمیریوں سے اظہار یکجہتی کی تقریبات میں سکیورٹی فراہم کرنے پرتمام اداریخراج تحسین کے مستحق ہیں،میرغلام نبی عمرانی

جمعرات 19 ستمبر 2019 21:16

نصیرآباد۔ (اُردو پوائنٹ اخبارتازہ ترین - اے پی پی۔ 19 ستمبر2019ء) میونسپل کمیٹی ڈیرہ مرادجمالی کے سابق چیئرمین میرغلام نبی عمرانی نے کہاکہ نصیرآباد میں محرم الحرام ،جشن آزادی اورکشمیری بھائیوں سے اظہار یکجہتی کی تقریبات میں سکیورٹی فراہم کرنے پرنصیرآباد کی ضلعی انتظامیہ ، نصیرآبادپولیس ،ایف سی سمیت دیگر انٹیلی جنٹس کے آفیسران اورجوان خراج تحسین کے مستحق ہیں۔

ان خیا لات کا اظہار انہوںنے صحافیوں سے بات چیت کرتے ہوئے کیا۔

(جاری ہے)

میرغلام نبی عمرانی نے کہاکہ نصیرآباد میں محکمہ پولیس اورایف سی کے جوانوں قابل اعتمادہیں جنہوں نے ہرمشکل حالات میں عوام کابھرپورساتھ دیا ہے۔انہوںنے کہاکہ ڈی آئی جی شہاب عظیم لہڑی ،ڈپٹی کمشنر نصیرآباد ظفرعلی ایم شہی ،ایف سی 72 ونگ کے کرنل راجہ شکیل انجم ایس ایس پی نصیرآبادعرفان بشیراورانٹیلی جنٹس کے آفیسران کی انتھک محنت اور بہترین ٹیم سربراہی کی بدولت محرم الحرام اورجشن آزادی سمیت دیگر تقریبات میں عوام کو پر سکوں ماحول فراہم کیا گیا،جس پر یہاں کی عوام ایسے بہادرسپوتوں کی مرحون منت ہے ہم ایسے بہادر اور نڈرآفیسران کی حوصلہ افزائی میں کوئی کمی نہیں لانے دیں گے،جنہوںنے ایک بہترین ٹیم ورک کے نتیجے میں عوام کے مسائل کا تدارک کیا۔