مقبوضہ کشمیر میں بد ترین کرفیو اور لاک ڈاون ہے، نوجوان کشمیریوں کی تحریک آزادی کو تقویت دے رہے ہیں،

حریت رہنما یسین ملک کی اہلیہ مشال ملک کا کشمیر یکجہتی یوتھ کنونشن سے خطاب

جمعہ 20 ستمبر 2019 15:49

اسلام آباد (اُردو پوائنٹ اخبارتازہ ترین - اے پی پی۔ 20 ستمبر2019ء) حریت رہنما یسین ملک کی اہلیہ مشال ملک نے کہا ہے کہ مقبوضہ کشمیر میں بد ترین کرفیو اور لاک ڈاون ہے، نوجوان کشمیریوں کی تحریک آزادی کو تقویت دے رہے ہیں، نوجوان تحریک آزادی کا ہراول دستہ ہیں ۔

(جاری ہے)

جمعہ کو یہاں اسلام آباد میں کشمیر یکجہتی یوتھ کنونشن سے خطاب کرتے ہوئے انہوں نے کہا کہ مقبوضہ کشمیر میں حریت رہنماوں کو گرفتار کر لیا گیا ہے، یاسین ملک مقبوضہ کشمیر میں قید وبند کی صوبتیں برداشت کر رہے ہیں، بھارتی جیلوں میں قید کشمیریوں کے ساتھ غیر انسانی سلوک کیا جارہا ہے ۔

انہوں نے کہا کہ مقبوضہ کشمیر میں سکول بند ہیں اور اساتذہ کو بھارتی فوج نے گرفتار کر لیا ہے، 5 اگست کے بعد سے مقبوضہ کشمیر میں بچے سکول نہیں جاپارہے ہیں۔