پی سی بی کی ریجنل گراؤنڈ سٹاف کو 2 ماہ کا کنٹریکٹ دینے کی پیشکش

جمعہ 20 ستمبر 2019 16:06

لاہور (اُردو پوائنٹ اخبارتازہ ترین - اے پی پی۔ 20 ستمبر2019ء) پاکستان کرکٹ بورڈ نے 243 کیوریٹرز اور گراؤنڈز مین کو کنٹریکٹ دینے کی پیشکش کی ہیں، 16 ریجنل کرکٹ ایسوسی ایشنز کے ماتحت کام کرنے والے گراؤنڈ سٹاف کو 2 ماہ کیلئے کنٹریکٹ کی پیشکش کی جارہی ہے، پی سی بی نئے آئین کے مطابق 16 ریجنل ایسوسی ایشنز اب 6 کرکٹ ایسوسی ایشنز میں ضم ہوچکی ہیں، کنٹریکٹ کا آغاز پی سی بی کے نئے آئین کے نفاذ کے روز سے ہوگا، اس دوران ڈومیسٹک کرکٹ ڈیپارٹمنٹ، پی سی بی کے وینیوز کی ضروریات اور کیوریٹرز کی کارکردگی کا جائزہ لے گا، علاوہ ازیں پی سی بی نے گراؤنڈ سٹاف کے 19 اگست تک جمع ہونے والے تمام بقایاجات ادا کرنے کیلئے بھی فوری طور پر اقدامات اٹھائے ہیں، اس عمل کو آسان بنانے کیلئے پی سی بی گراؤنڈز مین اور کیوریٹرز کو 2 ماہ کیلئے کنٹریکٹ دینے کی پیشکش کر رہا ہے۔