Careem اور MicroEnsure کے باہمی اشتراک سے انشورنس ایپ متعارف کروا دی گئی
کریم اور MicroEnsure کے اشتراک سے کریم ایپ کے تمام صارفین (بشمول کریم کپتان اور مسافر) کے لیے ایسی سہولیات متعارف کروائی جا رہی ہیں جن کے ذریعے وہ نہ صرف انشورنس کروا سکتے ہیں بلکہ ساتھ ساتھ اپنی رقم کے تحفظ کو بھی یقینی بنا سکتے ہیں کریم کے پلیٹ فارم سے متعارف کرائی گئی اس انشورنس سہولت کے ذریعے صارفین کی انرولمنٹ سے لے کر فائنل کلیمز کی سیٹلمنٹ تک کے تمام مراحل ڈیجیٹل طریقہ کار سے کیے جائیں گے اس نئی سہولت کے باعث پاکستان میں انشورنس کروانے کے عمل میں تیزی آئے گی
جمعہ 20 ستمبر 2019 17:37
اس سلسلے میں طے پانے والے ایک معاہدے کے تحت، دونوں کمپنیاں نیڈ بیسڈ انشورنس اوررقم کے تحفظ سے متعلق منصوبے کی حدود میں وسعت لانے کے لیے مِل جُل کر کام کریں گی۔ اس سہولت سے وہ تمام پاکستانی فائدہ اُٹھا سکیں گے جنہوں نے کریم ایپ پر خود کو سبسکرائب کروا رکھا ہے۔عنقریب کریم کے کپتان اور مسافر خواہ وہ نئے ہوں یا پُرانے، نہ صرف کریم ایپ کے ذریعے باآسانی انشورنس کی سہولت حاصل کر سکیں گے ،بلکہ اپنے گھر کے باقی افراد کو بھی یہ سہولت دلا سکیں گے۔
(جاری ہے)
اس سروس کی اہم ترین خصوصیت یہ ہے کہ اس میں انرولمنٹ سے لے کر کلیمز کی سیٹلمنٹ تک کے تمام مراحل اینڈ ٹو اینڈ ڈیجیٹل طریقے سے انجام دیئے جائیں گے۔چونکہ پاکستانیوں کی بڑی تعداد انشورنس پالیسی کا تجربہ نہیں رکھتی، ، اسی بات کو مدنظر رکھتے ہوئے کریم کی جانب سے اس انشورنس کا طریقہ کار بہت آسان رکھا گیا ہے۔
بہت سی مالی مصنوعات بشمول انشورنس کی پاکستان کی مختلف علاقائی مارکیٹس میں رسائی بہت کم ہے۔ایسی صورت حال میں ہمیشہ سے کاروباری لحاظ سے ایک ایسی مستحکم کمپنی کی ضرورت محسوس کی جاتی رہی جو اپنے پلیٹ فارمز سے ایسے متاثرکُن برانڈز سامنے لے کر آئیں جن کی پاکستانی مارکیٹ کے صارفین کی بڑی تعداد تک رسائی ہو سکے۔ صحیح انشورنس پالیسیز تک لوگوں کی پہنچ نہ ہونا، پیچیدہ پراسس، بے تحاشا پریمیمز اور روایتی انشورنس پالیسیز پر لوگوں کے عدم اعتماد کی وجہ سے پاکستان میں بہت کم لوگ انشورنس کی طرف مائل ہوتے ہیں۔ تاہمCareem اور MicroEnsure کی ڈیجیٹل انشورنس سہولت کے لیے کیے جانے والے اشتراک عمل نے انشورنس کی راہ میں حائل تمام پابندیوں کے خاتمے کو ممکن بنا دیا ہے۔
اس اہم شراکت داری کے حوالے سے کریم پاکستان کے جنرل مینجر ذیشان حسیب بیگ نے بات کرتے ہوئے کہا ”ہمارا مقصد لوگوں کی زندگیوں کو بہتر اور آسان تر بنانا ہے۔ اس مقصد کے لیے ہم انہیں انشورنس کی سہولت فراہم کر رہے ہیں۔ ہماری کریم ایپ پر رجسٹرڈ تمام صارفین نہ صرف اپنے لیے بلکہ اپنے گھر والوں کے لیے بھی انشورنس کی سہولت خرید سکتے ہیں۔ ہم لانگ ٹرم میں انشورنس اور فنانشل سروسز سلوشن کی صورت میں ایسی کئی دیگر سروسز بھی متعارف کرائیں گے جو ہمیں اس خطے میں نمبر ون سُپر ایپ بننے کے ویژن کی تکمیل کی جانب لے جائے گی۔
MicroEnsure کے گروپ بزنس ڈائریکٹر ریحان بٹ نے کہا ”پاکستان میں انشورنس کے شعبے میں بے پناہ ترقی کا ماحول پیدا ہوچکا ہے، اور اس کا تمام تر کریڈٹ کریم جیسے ڈیجیٹل برانڈ اور ریگولیٹری باڈیز کی کوششوں کو جاتا ہے، جنہوں نے انشورنس کو عوام کی ایک وسیع تعداد تک پہنچانے کا موقع فراہم کیا۔ کریم جیسے کامیاب برانڈ کے ساتھ شراکت داری اور سازگار حالات کو دیکھتے ہوئے ہمیں اُمید ہے کہ ہم عام آدمی کو زندگی کو لاحق خطرات یعنی موت، معذوری، بیماری پر آنے والے خرچے اور قیمتی ساز و سامان کے نقصان و گمشدگی کا مداوا کرنے میں اس کے مددگار ثابت ہو سکیں گے۔
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.