چیف جسٹس آصف سعید کھوسہ نے جسٹس فائز عیسٰی کیخلاف صدارتی ریفرنس سے متعلق درخواستوں کی سماعت کیلئے فل کورٹ تشکیل دے دیا

جمعہ 20 ستمبر 2019 19:08

اسلام آباد ۔ (اُردو پوائنٹ اخبارتازہ ترین - اے پی پی۔ 20 ستمبر2019ء) چیف جسٹس آصف سعید کھوسہ نے جسٹس فائز عیسٰی کے خلاف زیرسماعت صدارتی ریفرنس سے متعلق دائر آئینی درخواستوں کی سماعت کیلئے فل کورٹ تشکیل دے دیاہے جو24ستمبر کوایک بجے آئینی درخواستوں کی سماعت کرے گا۔

(جاری ہے)

فل کورٹ کی سربراہی جسٹس عمر عطا بندیال کریں گے، یادرہے کہ گزشتہ سماعت پرجسٹس فائز عیسٰی کے وکیل منیراے ملک نے سات رکنی لارجربنچ پراعتراض اٹھاتے ہوئے استدعا کی تھی کہ آئینی درخواستوں کی سماعت کیلئے فل کورٹ تشکیل دیاجائے، فاضل وکیل کے اعتراض کے بعدسات رکنی بنچ کو تحلیل کرتے ہوئے یہ معاملہ چیف جسٹس کوبھیجوادیا گیاتھا جس میں آئینی درخواستوں کی سماعت کیلئے از سرنوبنچ تشکیل دینے کی سفارش کی گئی تھی ، اوراب چیف جسٹس کی جانب سے فل کورٹ تشکیل دیدیا گیاہے جو 24ستمبر کوایک بجے درخواستوں کی سماعت کرے گا۔