ارامکو حملوں کے بعد خلیج کو محفوظ بنانے کے لیے امریکا کی اضافی کمک کا آپشن زیرِ غور

پینٹاگان خلیج میں فضائی دفاعی نظام کی مزید بیٹریز ، نگرانی کے لیے طیارے اور ساز و سامان بھیجنے پر غور کر رہا ہے،عسکری حکام

جمعہ 20 ستمبر 2019 21:46

ارامکو حملوں کے بعد خلیج کو محفوظ بنانے کے لیے امریکا کی اضافی کمک کا ..

واشنگٹن(اُردو پوائنٹ اخبارتازہ ترین - آن لائن۔ 20 ستمبر2019ء) امریکی عسکری ذمے داران نے بتایا ہے کہ پینٹاگان کے عہدے داران نے اپنی ملاقاتوں کا سلسلہ جاری رکھا ہوا ہے اور یہ ملاقاتیں ڈونلڈ ٹرمپ کی صدارت میں ہونے والے قومی سلامتی کونسل کے اجلاس کی تیاری کے سلسلے میں ہوئیں۔

(جاری ہے)

امریکی اخبارکے مطابق عسکری ذمے داران نے بتایاکہ پینٹاگان ارامکو حملوں کے بعد اپنی دفاعی صلاحیتوں کو مضبوط تر بنانے کے لیے خلیج کے علاقے میں فضائی دفاعی نظام کی مزید بیٹریز کے علاوہ نگرانی کے طیارے اور ساز و سامان بھیجنے پر غور کر رہا ہے۔اسی طرح وہ دیگر کئی آپشنز میں مستقبل میں کم از کم ایک طیارہ بردار جہاز باقی رہنے پر بھی غور کر رہا ہے۔