قومی ائیرلائن کی درجنوں پروازیں بغیر مسافروں کے ہی چلائے جانے کا انکشاف

پی آئی اے کی 46 پروازوں میں ایک بھی مسافر سوار نہ تھا، خالی پروازیں چلائے جانے سے قومی خزانے کو کروڑوں روپے کا نقصان ہوا

جمعہ 20 ستمبر 2019 20:14

اسلام آباد (اُردو پوائنٹ اخبارتازہ ترین۔ 20 ستمبر2019ء) قومی ائیرلائن کی درجنوں پروازیں بغیر مسافروں کے ہی چلائے جانے کا انکشاف، پی آئی اے کی 46 پروازوں میں ایک بھی مسافر سوار نہ تھا، تمام پروازیں اسلام آباد سے آپریٹ کی گئیں، خالی پروازیں چلائے جانے سے قومی خزانے کو کروڑوں روپے کا نقصان ہوا۔ تفصیلات کے مطابق ایک سال میں اسلام آباد ائیرپورٹ سے پی آئی اے کی 46پروازیں بغیرکسی مسافر کے آپریٹ کی گئیں۔

پی آئی اے کے مسافروں کیلئے آن لائن ٹیکسی کی فری سروس آڈٹ رپورٹ کے مطابق 17-2016 کے دوران 46 پروازوں میں ایک بھی مسافر سوار نہ تھا بغیر مسافر 46 پروازیں آپریٹ کرنے سے قومی ائیرلائن کو 18 کروڑ روپوں سے زائد کا نقصان ہوا۔آڈٹ رپورٹ میں بتایا گیا ہے کہ ان پروازوں کے علاوہ 36 حج اور عمرہ کی پروازیں بھی بغیر کسی مسافر کے روانہ ہوئیں۔

(جاری ہے)

جبکہ پی آئی اے کپتان نے ایک پرواز کا رخ تبدیل کر کے مسافر کی جان بچائی۔

پی آئی اے پائلٹ کے اس عمل سے بھی کروڑوں روپے کا نقصان ہوا۔ مزید بتایا گیا ہے کہ اکتوبر 2018 میں انتظامیہ کو معاملے سے آگاہ کیا گیا لیکن موجودہ انتظامیہ نے بھی معاملے کی تحقیقات نہیں کروائی۔ رپورٹ کے مطابق سرکاری دستاویزات میں معاملے کا ذمہ دار پی آئی اے انتظامیہ کی لاپرواہی کو قرار دیا گیا۔