پنجاب آرچری ٹیم کے چناؤ کے سلسلہ میں ایک روزہ ٹرائلز 27 ستمبر کو ہوں گے

ہفتہ 21 ستمبر 2019 13:59

اسلام آباد (اُردو پوائنٹ اخبارتازہ ترین - اے پی پی۔ 21 ستمبر2019ء) نیشنل گیمز میں شرکت کے لئے پنجاب آرچری ٹیم کے چناؤ کے سلسلہ میں ایک روزہ ٹرائلز 27 ستمبر کو لاہور میں ہوںگے۔

(جاری ہے)

پاکستان آرچری فیڈریشن کے سیکرٹری جنرل وصال محمد خان نے بتایاکہ پاکستان آرچری فیڈریشن نے پنجاب اولمپک ایسوسی ایشن کی مشاورت سے ٹرائلز کے لئے تین رکنی سلیکشن کمیٹی تشکیل دی ہے، کمیٹی کے ممبران میں ذوالفقار علی شاہ، میجر (ر) سعید سرور اور بابر تیمور شامل ہیں، انہوں نے کہا کہ منتخب ٹیم نیشنل گیمز میں شرکت کرے گی اور یہ گیمز 26 اکتوبر سے 2 نومبر پشاور کے حیات آباد سپورٹس کمپلیکس میں منعقد ہوں گے۔

ان گیمز میں ملک بھر سے 9 ٹیمیں حصہ لیں گی جن میں پاکستان آرمی، پاکستان واپڈا، پاکستان پولیس، ہائر ایجوکیشن کمیشن، اسلام آباد، پنجاب، سندھ، بلوچستان اور خیبر پختونخوا کی ٹیمیں شامل ہیں۔