سی پیک کے ترقیاتی پروگراموں کی تکمیل کے لئے درکار انجینئرز فراہم کرینگے،ڈاکٹر زبیر شیخ
ہفتہ 21 ستمبر 2019 17:22
(جاری ہے)
ان خیالات کا اظہار انہوں نے گزشتہ روز یونیورسٹی کیمپس میں نئے سیمسٹر کے آغاز پر فیکلٹی ممبران کے اجلاس سے خطاب کرتے ہوئے کہی جس میں ماجو کی تمام فیکلٹیز کے ڈین اور شعبہ جاتی سربراہان بھی موجود تھے ڈاکٹر زبیر شیخ نے اس موقع پر کہا کہ ہم ماجو میں تحقیقی سرگرمیوں کا دائیرہ مزید وسیع کر رہے ہیں اور جلد ہی مینجمنٹ سائینسز اور کمپیو ٹنگ کے پی ایچ ڈی پروگراموں میں داخلے شروع کریں گے۔
۔انہوں نے اساتذہ پر زور دیا کہ وہ طلبہ کے ساتھ اچھے تعلقات قائم رکھیں لیکن اس کو بے تکلف دوستی میں تبدیل نہ ہونے دیں کیونکہ اس کی وجہ سے طلبہ اور اساتذہ کے درمیان احترام کا رشتہ باقی نہیں رہتا ہے اور امتحانی کاپی جانچتے وقت دوستی کا خیال کرنا پڑتا ہے۔۔انہوں نے کہا کہ ہمارا یہ وژن ہے کہ ماجو کو قومی اور عالمی سطح پر صف اول کی ایک درسگاہ کے طور پر تسلیم کرایا جائے تاکہ ہم ایسے باصلاحیت پروفیشنلز تیار کرسکیں جو معاشرہ کو ترقی و خوشحالی کی راہ پر گامزن کرسکیں۔ انہوں نے کہا کہ ہمارا مشن ہے کہ ماجو میں ایک اخلاقی ماحول کو افضلیت دیتے ہوئے ہوئے ایسے متنوع طلباء تیار کئے جائیں جو اپنی دانشورانہ اور تیکنیکی صلاحیتوں کے ذریعے مستقبل کے چیلنجز کا مقابلہ کرنے کے لئے پر عزم ہوں۔ انہوں نے کہا کہ ہمارے اساتذہ کو مثبت سوچ کا حامل ہونا چاہیے اور انھیں اپنے طلبہ میں اخلاقی اور سماجی اقدار کی حوصلہ افزائی کرنا چاہیے۔ انہوں نے کہا کہ اساتذہ کو نصاب کے مطابق تعلیم فراہم کرنے کے ساتھ ساتھ طلبہ کو انکی فطری صلاحیتوں کے اظہار کے بھی بھر پور مواقع فراہم کرنے کی ضرورت ہے، مزید انھیں طلبہ میں دانشورانہ صلاحیتیں پروان چڑھانے کے ساتھ ساتھ ان میں کتب بینی کے رحجان میں اضافہ پر بھی توجہ دینی چاہیے۔ڈاکٹر زبیر شیخ نے کہا کہ آج کے دور میں طلبہ اور اساتذہ کو اپنی تخلیقی صلاحیتوں میں اضافہ کے لئے گوگل ٹولز کے استعمال کو بھی بڑی اہمیت دینے کی ضرورت ہے کیونکہ اب کمپیوٹر کو بے شمار سود مند مقاصد کے لئے استعمال کیا جارہا ہے۔انہوں نے کہا کہ جیو،سیکھو اور تقلید کرو ماجو کا سلوگن ہے جس کی تشریح یو کی جاسکتی ہے کہ ایک اچھے ماحول میں اپنی زندگی بسر کرو، ایک دوسرے سے مل کر کچھ سیکھو اور اپنے ساتھیوں اور طلبہ کے اچھے کاموں سے متاثر ہوکر کچھ اچھا کردکھاو۔مزید قومی خبریں
-
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
دریائوں اور آبی ذخیروں میں پانی کی صورتحال
-
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ رانا ثنا اللہ
-
فیصل آباد، تا جر کو اغوا کے بعد تشدد کر کے قتل کر د یا گیا، پولیس نے نعش قبضے میں لے کر ملزما ن کی تلا ش شروع کر دی
-
پاکستان کے تیسرے بڑے صنعتی شہر فیصل آباد میں امن وامان کی صورتحال خراب ہو گئی
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
-
گوجرخان پولیس کی موثر کارروائی، سکولوں اور کالجوں میں منشیات سپلائی کرنے والا منشیات فروش گرفتار
-
سوات ،نوجوان نے خودکو گولی مارکر خودکشی کرلی
-
وزیراعلی سندھ نے کابینہ میں توسیع کرتے ہوئے مزید 8وزرا کو شامل کرلیا
-
گورنرسندھ کے زیر صدارت سندھ انڈسٹریل لائڑن کمیٹی کا اعلیٰ سطح اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.