مظفرگڑھ۔شاہ جمال کے علاقے گد پور سے مظفرگڑھ تک فری بس سروس پرگرام کا افتتاح

پیر 30 ستمبر 2019 15:50

مظفرگڑھ (اُردو پوائنٹ اخبارتازہ ترین - اے پی پی۔ 30 ستمبر2019ء) مظفرگڑھ کے نواحی قصبے شاہ جمال کے علاقے گد پور سے مظفرگڑھ تک فری بس سروس پرگرام کا افتتاح۔ تفصیل کے مطابق عوامی راج پارٹی کے سربراہ سابق ایم این اے جمشید احمد خان دستی کل بروز منگل شام 4 بجے چوک گد پور میں فری بس سروس کا افتتاح کریں گے فری بس سروس روزانہ کی بنیاد پر چوک گد پور براستہ شاہ جمال مونڈکا سے مظفر گڑھ جاے گی جبکہ واپسی شام مظفر گڑھ سے چوک گد پور پہنچے گی، اس بس سے آنے جانے والوں سے کوئی کرایہ نہیں لیا جائے گا۔

(جاری ہے)

واضح رہے کہ عوامی راج پارٹی کے سربراہ اور سابق ایم این اے جمشید دستی نے سابقہ دور حکومت میں ضلع مظفرگرھ کے مختلف علاقوں میں 5 فری بسیں چلائی ہوئی تھیں لیکن حکومت تبدیل ہونے کے بعد فری بس سروس بند کرکے ان بسوں کو کمرشل مسافر بسوں کے طور پر چلانا شروع کر دیا تھا ایک طویل وقفے کے بعد اب دوبارہ فری بس سروس شروع کی جا رہی ہے لیکن اس مرتبہ یہ فری سروس بہت محدود پیمانے پر ھے اور صرف ایک بس فری چلائی جا رہی ہے واقفان حال کے مطابق یہ فری بس آئندہ انتخابات کی تیاری کے سلسلے کا حصہ ہے۔