سپریم کورٹ کا حشمت میڈیکل کالج کے طالب علموں کو فیس کی رقم واپس کرنے کا حکم

طالب علموں کی فیس کالج مالکان کے اثاثے نیلام اور بنک اوکائونٹس میں موجود پیسوں سے ادا کی جائے،عدالت عظمیٰ

بدھ 2 اکتوبر 2019 15:52

سپریم کورٹ کا حشمت میڈیکل کالج کے طالب علموں کو فیس کی رقم واپس کرنے ..

اسلام آباد (اُردو پوائنٹ اخبارتازہ ترین - این این آئی۔ 02 اکتوبر2019ء) سپریم کورٹ نے حشمت میڈیکل کالج کے طالب علموں کو فیس کی رقم واپس کرنے کا حکم دیتے ہوئے کہا ہے کہ طالب علموں کی فیس کالج مالکان کے اثاثے نیلام اور بنک اوکائونٹس میں موجود پیسوں سے ادا کی جائے۔بدھ کو جسٹس عمر عطاء بندیال کی سربراہی میں تین رکنی بینچ نے کیس کی سماعت کی۔

(جاری ہے)

وکیل اسٹوڈنٹس نے کہاکہ حشمت میڈیکل کالج بند ہو گیا،عدالتی حکم کے باجود ہماری فیس واجبات ادا نہیں کیے جا رہے۔

وکیل نے کہاکہ سپریم کورٹ توہین عدالت کی کارروائی کرے۔ایف آئی اے نے کہاکہ کالج کی اکاونٹس مجمند ہیں،اثاثے بھی ضبط ہے،پراپرٹی نیلام کرکے واجبات ادا ہو سکتے ہیں ۔بعد ازاں سپریم کورٹ نے حشمت میڈیکل کالج کے طالب علموں کو فیس کی رقم واپس کرنے کا حکم دیدیا ۔