اقوام متحدہ کی ہیومن رائٹس کونسل میں ہم نے قرارداد پیش کرنی ہی نہیں تھی، یہ ہماری حکمت عملی تھی
ہم نے تو کبھی نہیں کہا تھا کہ ہم نے قرارداد پیش کرنی ہے۔ وفاقی وزیر خارجہ شاہ محمود قریشی کی عجیب منطق
سمیرا فقیرحسین جمعہ 4 اکتوبر 2019 12:18
(جاری ہے)
انہوں نے کہا کہ قرارداد کے لیے پاکستان نے کسی ملک سے رابطہ نہیں کیا۔ اور ابھی ہم کسی بھی ملک سے قرارداد کے حوالے سے رابطہ کرنا بھی نہیں چاہتے تھے کیونکہ اِس کا وقت نہیں تھا۔
ہم نے کوئی قرارداد جمع نہیں کروائی۔ قرارداد سے متعلق ایک سوال کے جواب میں وزیر خارجہ شاہ محمود قریشی نے کہا کہ ہم قرارداد جمع کروائیں گے لیکن اپنے وقت پر ۔ ہم موقع دیکھ کر قرارداد جمع کروائیں گے، کسی کے کہنے پر قرارداد جمع نہیں کروائیں گے۔ انہوں نے کہا کہ جو لوگ سمجھتے ہیں کہ قرارداد ابھی جمع کروانی چاہئیے، اُن کی اور ہماری سوچ میں فرق ہے ۔ آپ ٹی ٹونٹی میچ کھیلنا چاہتے ہیں ، لیکن یہ ٹی ٹونٹی میچ نہیں بلکہ ٹیسٹ میچ ہے جسے سنبھل کر کھیلنا چاہئیے۔ آپ چاہتے ہیں کہ بیس اوورز میں رزلٹ مل جائے 72 سال میں اس معاملے پر ہم کوئی رزلٹ حاصل نہیں کر سکے تو اب کیا بیس اوورز میں لیں گے ؟ انہوں نے کہا کہ کس کو بے وقوف بنا رہے ہیں؟ ہم قوم سے جھوٹ نہیں بولیں گے۔ سچ بات بولیں گے۔ اور دیانتداری سے کام کریں گے ، جہاں بھی کمزوری ہو گی اعتراف کر لیں گے۔ رہنمائی چاہئیے ہو گی تو رہنمائی حاصل کر لیں گے اور جو صحیح بات ہے وہ ڈنکے کی چوٹ پر کریں گے۔ انہوں نے مزید کیا کہا آپ بھی دیکھیں: یاد رہے کہ اقوام متحدہ کی ہیومن رائٹس کونسل میں پاکستان کی جانب سے مسئلہ کشمیر کے حوالے سے قرارداد جمع نہ ہونے کی نشاندہی سینئیر صحافی حامد میر نے بھی اپنے کالم میں کی تھی اور کہا تھا کہ پاکستان کو اقوام متحدہ کی ہیومن رائٹس کونسل میں 19ستمبر تک بھارت کے خلاف ایک قرارداد پیش کرنا تھی تاکہ اس قرارداد کی روشنی میں مقبوضہ جموں و کشمیر کی صورتحال پر کونسل کا خصوصی اجلاس بلایا جا سکے۔ اس قرارداد کو پیش کرنے کے لیے پاکستان کو کونسل کے 47میں سے صرف 16رکن ممالک کی حمایت درکار تھی۔ 19ستمبر کو دوپہر ایک بجے کی ڈیڈ لائن تھی۔ میں نے صبح سے اسلام آباد کے دفتر خارجہ اور جنیوا میں اہم لوگوں سے رابطے شروع کئے تاکہ پاکستان کی قرارداد کی حمایت کرنے والے ممالک کے نام پتا چل سکیں۔ پہلے کہا گیا فکر نہ کریں تھوڑی دیر میں قرارداد جمع ہونے والی ہے پھر نام بتائیں گے۔ جب ڈیڈ لائن گزر گئی تو کہا گیا کہ قرارداد تو جمع ہی نہیں ہوئی۔ یہ سُن کر میں نے پوچھا کہ ہمارے وزیر اعظم نے 58ممالک کی حمایت کا دعویٰ کیا تھا آپ کو تو صرف 16ووٹ درکار تھے پھر قرارداد جمع کیوں نہ ہوئی؟ کہا گیا کہ شاہ محمود قریشی صاحب سے پوچھئے۔ حامد میر نے بھی قرار داد جمع نہ ہونے پر تشویش کا اظہار کیا تھا۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.