جامعة الدراسات الاسلامیہ کے طالب علم ممتاز علی کی اعلیٰ کارکردگی

مختلف شعبہ جات میں نمایاں پوزیشن حاصل کرنے پر وزیراعظم نے مثالی طالب علم کا ایوارڈ دے دیا

ہفتہ 5 اکتوبر 2019 23:14

کراچی (اُردو پوائنٹ اخبارتازہ ترین - آن لائن۔ 05 اکتوبر2019ء) جامعة الدراسات الاسلامیہ کے طالب علم ممتاز علی کو وزیر اعظم عمران خان نے اعلیٰ کارکردگی پر’’مثالی طالب علم‘‘ کا ایوارڈ دے دیا۔ وزیر اعظم ہاؤس اسلام آباد میں منعقدہ تقریب کے دوران جامعة الدراسات الاسلامیہ کے مدیر مفتی یوسف کشمیری بھی موجود تھے۔ طالب علم ممتاز علی کو وفاق المدارس اور جامعة الدراسات الاسلامیہ کے مختلف شعبہ جات میں پوزیشن حاصل کرنے پر ’’مثالی طالب علم‘‘ قرار دیا گیا۔

مدیر الجامعة مفتی یوسف کشمیری کا کہنا ہے کہ وزیر اعظم عمران خان کی جانب سے دینی مدارس کے طلبہ و طالبات کی حوصلہ افزائی خوش آئند ہے۔ ہم اس تقریب کے انعقاد پر وزیر اعظم کے مشکور ہیں۔ دینی مدارس تعلیم کے فروغ کے لیے کردار ادا کر رہے ہیں۔

(جاری ہے)

گزشتہ برسوں میں منصوبے کے تحت مدارس کے خلاف گمراہ کن پروپیگنڈا کیا گیا اور انہیں دہشت گردی سے جوڑ کر مدارس کے کردار کو مشکوک بنانے کی کوششیں کی گئیں۔

امید ہے وزیر اعظم کا یہ قدام مداراس کے خلاف منفی پروپیگنڈا زائل کرنے میں مددگار ثابت ہوگا۔ انہوں نے جامعة الدراسات اسلامیہ کے طالب علم ممتاز علی کو مبارک باد دی اور یہ امید ظاہر کی کہ تمام طلبہ ’’مثالی طالب علم‘‘ بننے کے لیے حصول تعلیم پر توجہ دیں گے اور بہتر کارکردگی کا مظاہرہ کریں گی

عمران خان سے متعلق تازہ ترین معلومات

Facebook Twitter Google + Share on Whatsapp

جامعة الدراسات الاسلامیہ کے طالب علم ممتاز علی کی اعلیٰ کارکردگی

مختلف شعبہ جات میں نمایاں پوزیشن حاصل کرنے پر وزیراعظم نے مثالی طالب علم کا ایوارڈ دے دیا

متعلقہ عنوان :

مزید تعلیم کی خبریں