وزیراعظم کے دورہ چین کو حتمی شکل دے دی گئی

عمران خان پیر کو اسلام آباد سے بیجنگ کیلئے روانہ ہوں گے، دورے پر 3 وفاقی وزرا اور 1 مشیر ان کے ہمراہ جائیں گے

اتوار 6 اکتوبر 2019 00:13

اسلام آباد (اُردو پوائنٹ اخبارتازہ ترین۔ 05 اکتوبر2019ء) وزیراعظم کے دورہ چین کو حتمی شکل دے دی گئی، عمران خان پیر کو اسلام آباد سے بیجنگ کیلئے روانہ ہوں گے، دورے پر 3 وفاقی وزرا اور 1 مشیر ان کے ہمراہ جائیں گے۔ تفصیلات کے مطابق وزیراعظم عمران خان کے دورہ چین کو حتمی شکل دے دی گئی ہے، عمران خان کے ہمراہ تین وفاقی وزرا اور ایک مشیر ہوں گے ، جن میں وزیر خارجہ شاہ محمود قریشی، وزیر ریلوے شیخ رشید، وزیرمنصوبہ بندی خسروبختیار اور مشیر خزانہ عبدالحفیظ شیخ شامل ہیں۔

(جاری ہے)

وزیراعظم عمران خان پیر کی رات دورہ چین کے لئے روانہ ہوں گے ، دورے کے دوران پیک ایم ایل ون اور دیگر اہم معاملات پر ملاقاتیں ہوں گی اور مسئلہ کشمیر کے حوالے سے بھی چینی حکام سے بات چیت ہوگی۔وزیراعظم کے دورہ چین میں متعدد مفاہمتی یادداشتوں پر بھی دستخط ہوں گے جبکہ وہ چینی صدر شی جن پنگ سمیت اعلیٰ قیادت سے ملاقات کریں گے۔وزیراعظم کے دورہ چین میں پاک چین جوائنٹ کوآرڈی نیشن کمیٹی کیامور بھی زیر غور آئیں گے جبکہ عمران خان کی جمعرات کو وطن واپسی ہوگی۔