مسئلہ کشمیرپاکستان کی بقا کا مسئلہ ہے، پاکستانی قوم اور ہر حکومت ہمیشہ مسئلہ کشمیر اور کشمیریوں کے ساتھ کھڑی رہی،راجہ فاروق حیدر
مسلم لیگ کی بنیاد ہی دو قومی نظریہ ہے اور ہم آج بھی ہم اس پر قائم ہیں،حکومت میں آنے کے بعد ہم نے عام آدمی کے معیار زندگی کو بہترکرنے کیلئے کام کیا بھارت نے کشمیریوں کی زندگی اجیرن بنا دی ہے،مسلم لیگ ن کے کارکنان دیگر سیاسی جماعتوں کے کارکنان کے ساتھ ملکر سوشل میڈیا کے ذریعے بھارتی مظالم کے خلاف احتجاج کریں،وزیر اعظم آزاد کشمیر
بدھ 9 اکتوبر 2019 23:18
(جاری ہے)
آزادکشمیر کی تاریخ کا سب سے بڑا ترقیاتی بجٹ زمین پر نظر آرہا ہے،اگرچہ بہت سارا کام باقی ہے۔
ہمارے دورے حکومت میں آزادکشمیر میں ریکارڈ ترقی ہوئی ۔ مقبوضہ کشمیر کی صورتحال اس بات کی متقاضی کرتی ہے کہ ہم سب اختلافات سے بالاتر ہو کر اپنے بھائیوں کیلئے اکھٹے ہوں جو گزشتہ دو ماہ سے زائد عرصہ سے جیل میں ۔ ہم نے ان کا مقدمہ لڑنا ہے ۔ ان کا ہمارے سوا کوئی نہیں۔ مقبوضہ کشمیر میں ادویات نہ ہونے کے باعث مریضوں کو شدید مشکلات کا سامنا ہے ۔ وہاں کاروبار زندگی بند ہے ۔ بھارت نے کشمیریوں کی زندگی اجیرن بنا دی ہے۔ مشکل ترین حالات میں کشمیریوں نے آزادی کی شمع کو روشن رکھا ہوا ہے ۔ وقت کا تقاضا ہے کہ آزادکشمیر سے موثر پیغام جائے ۔ تمام لوگ اس حوالہ سے اپنا کردار ادا کریں۔ مسلم لیگ ن کے کارکنان دیگر سیاسی جماعتوں کے کارکنان کے ساتھ ملکر سوشل میڈیا کے ذریعے بھارتی مظالم کے خلاف احتجاج کریں۔ ان خیالات کا اظہار انہوں نے بدھ کے روز مسلم لیگ ن دھیرکوٹ کے مزکری سیکرٹریٹ میں کارکنان سے خطاب کرتے ہوئے کیا۔ اس موقع پر وزیر جنگلات سردار میر اکبر خان ، سابق امیدوار اسمبلی افتخار ایوب ودیگر نے بھی خطاب کیا۔ وزیر اعظم جب دھیرکوٹ پہنچے تو مسلم لیگ ن کے کارکنان کی کثیر تعداد نے ان کا استقبال کیا۔ اس موقع مسلم لیگ ن زندہ بار، فاروق حیدر زندہ باد اور نواز شریف زندہ باد کے نعروں سے فضا گونج اٹھی۔کارکنان نے جلوس کی شکل میں وزیر اعظم کو دھیر کوٹ بازار سے ن لیگ کے مرکزی سیکرٹریٹ تک لایا۔ وزیر اعظم آزادکشمیر نے کہاکہ ہندوستان کی پالیسی ہے کہ وہ آزادکشمیر کے اندر بھی کوئی فتنہ برپا کرنے کی کوشش کرے گالیکن ہم سب نے ملکر اسکی یہ سازش ناکام بنانی ہے ۔ہم سب کا بنیادی نعرہ رائے شماری ہے اور رائے شماری کے مسئلے پر آزادکشمیر میںکوئی اختلاف نہیں ۔ انہوں نے کہاکہ مسلم لیگ ن کا آزادکشمیر کا قیام مسئلہ کشمیر اور مسئلہ کشمیر کے حل کیلئے حتمی جدوجہد کے مرحلہ پر اپنا بھرپور کردار ادا کرنے کیلئے تھا۔ انہوں نے کہا کہ ہم نے عوام کی خدمت بھی کی ہے اور تحریک آزادی کشمیر کیلئے بھی اپنا کردار ادا کرنے کی کوشش کی۔ انہوں نے کہاکہ تین سال گزر چکے ہیں اور دو سال بعد دوبارہ اپنی کارکردگی لیکر عوام میں جائیں گے اورکارکردگی کی بنیاد پر دوبارہ حکومت بنائیں گے ۔ ہم نے اپنے دور حکومت میں عام آدی کو اسکا حصہ دیا ہے اور انشاء اللہ اب یہ سلسلہ رکے گا نہیں اور جاری رہے گا۔ انہوں نے کہاکہ بشارت عباسی شہید رو ڈ اور چھپریاں گہوڑی کیر روڈ کے وعدے کیے تھے انشاء اس بجٹ میں ان کو پورا کرینگے۔ انہوںنے کہاکہ دیگر بھی جو منصوبہ جات اس علاقے میں رہتے ہیں ان کو مکمل کرینگے ۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.