جماعت اسلامی کے تحت آج حیدرآباد میں امیر سراج الحق کی قیادت میں ’’کشمیر مارچ‘‘ ہوگا

ہفتہ 12 اکتوبر 2019 22:27

کراچی /حیدرآباد(اُردو پوائنٹ اخبارتازہ ترین - آن لائن۔ 12 اکتوبر2019ء) جماعت اسلامی کے تحت اتوار 13اکتوبر کو سہ پہر تین بجے اسٹیشن روڈ حیدرآباد میں امیر جماعت اسلامی پاکستان سینیٹر سراج الحق کی قیادت میں ’’کشمیر مارچ‘‘ ہوگا۔جس میں مرد وخواتین ، بچے،بوڑھے اور جوان بھرپور شرکت کرکے کشمیر میں جاری مظالم کیخلاف اور کشمیری عوام سے اظہار یکجہتی کریں گے۔

(جاری ہے)

اس موقع پر مرکزی نائب امراء اسداللہ بھٹو، ڈاکٹر معراج الہدیٰ صدیقی،صوبائی امیر محمد حسین محنتی،جے آئی یوتھ کے مرکزی صدر زبیر احمد گوندل ودیگر ذمہ داران بھی خطاب کریں گے۔ کشمیر مارچ حیدرآباد میں تیاریوں کو آخری شکل دی گئی ہے، مارچ کے راستے سمیت شہر بھر میں اس حوالے سے پوسٹر،پینا فلیکس اور بینر لگائے گئے ہیں جبکہ نوجوانوں نے مختلف علاقوں میں موٹر سائیکل ریلیاں بھی نکالی ہیں،مقامی امیر حافظ طاہر مجید نے عوام سے مارچ میں بھرپور شرکت کی اپیل کی ہے۔