ہم پرامن قانون پسند ہیں ہمارا آزادی مارچ پرامن ہوگا اور اس وقت تک جاری رہے گا جب تک حکومت کو گھر نہیں بھیج دیاجاتا، راشدمحمود سومرو
ناانصافی حکومت ملک کے لئے خطرہ بن چکی ہے اس کی نااہلیت نے قوم کو عذاب میں مبتلا کردیا ہے، "آزادی مارچ" میں شرکت کے لئے سندھ کا مرکزی قافلہ حیدرآباد سے روانہ ہوگا، پریس کانفرنس
ہفتہ 12 اکتوبر 2019 23:10
(جاری ہے)
علامہ راشد محمودسومرو نے کہاکہ قائد جمعیت نے 25جولائی کو ہونے والے عام انتخابات کے چند گھنٹے بعد ہی پریس کانفرنس میں الیکشن میں دھاندلی اور جے یو آئی کا مینڈیٹ چوری ہونے کی اطلاع دی تھی، ذمہ دار اداروں کا یہ فرض تھا کہ وہ کاروائی کرتے لیکن خلائی مخلوق نے نااہل حکمرانوں کو ہمارے سروں پر مسلط کردیا ہے، انہوں نے کہا کہ بیروز گاری اور مہنگائی کے طوفان کے بعد کشمیر کے معاملے پر بھی حکومت کی نااہلی نے ملک کے وجود کو خطرے میں ڈال دیا ہے پاکستان سفارتی تنہائی کا شکار ہوچکا ہے، قریبی دوست بھی ساتھ چھوڑ رہے ہیں، سی پیک تعطل کا شکار ہے، انہوں نے کہا کہ عمران خان کے دورہ چین کے بعد چینی صدر کا دورہ بھارت اور نیپال حکومت کی سفارتکاری کی صلاحیت پر بڑا سوالیہ نشان ہے، انہوں نے کہا کہ اچھی تقریر مسائل کا حل نہیں ہوتی اس کے لئے عملی اقدامات کرنا ہوتے ہیں، عملی اقدامات کی اس حکومت میں صلاحیت ہی نہیں ہے، موجودہ حکومت کی طرف سے ایک سال میں لیا گیا قرضہ ملک کو تباہ کرنے کے لئے کافی ہے، قادیانیوں کی سرگرمیوں میں روز بروز اضافہ ہورہاہے، تھر قادیانی ریاست بنتا جارہاہے، قادیانی کھلے عام اسلامی شعائر کی توہین کررہے ہیں لیکن توجہ دلانے کے باوجود حکومت کوئی قدم اٹھانے کو تیار نہیں ہے، انہوںنے کہاکہ آزادی مارچ کے سلسلے میں سندھ کا مرکزی قافلہ حیدرآباد سے روانہ ہوگا حیدرآباد میں کراچی کے قافلوں سمیت آٹھ اضلاع کے قافلے شامل ہوں گے، دن 1 بجے حیدرآباد اور شام 4 بجے نواب شاہ سے روانگی ہوگی، رات سکھر میں قیام کے بعد28اکتوبر کو یہ مارچ پنجاب میں داخل ہو گا، انہوںنے بتایا کہ قائد جمعیت کو پور ے ملک سے قافلوں کی قیادت کی درخواستیں ملی ہیں امید ہے کہ قائد جمعیت مولانا فضل الرحمن28اکتوبر کو سکھر سے روانہ ہونے والے قافلے کی قیادت کریں گے، راشد محمود سومرو نے بتایا کہ31لاکھ کارکنوں نے مارچ کے لئے رجسٹریشن کرائی ہے اور فی کارکن 100 روپے وصول کرنے ہیں صاحب حیثیت لاکھوں نہیںکروڑوں دے رہے ہیں، انہوں نے کہا کہ سندھ حکومت نے تعاون کی یقین دہانی کرائی ہے، ہم نے تمام پارٹیوں اور قوم پرستوں سے رابطہ کیا ہے، ہم سندھ کی وحدت پر یقین رکھتے ہیں، سندھ ترقی پسند پارٹی کے چیئرمین ڈاکٹر قادر مگسی کے مارچ کے حوالے سے سوال پر علامہ راشد محمود سومرو نے بتایا کہ ڈاکٹر قادر مگسی سے بات ہوئی ہے کہ وہ اپنا مارچ موخر کردیں یا چند روز قبل کرلیں، انہوںنے کہاکہ بلاول بھٹو اور نواز شریف کے دو ٹوک اعلان کے بعد ان کی پارٹیوں کی طرف سے مارچ مین تعاون پر ابہام ختم ہوگیا ہے، یہ دونوں پارٹیاں بھر پور تعاون کریں گی، یہ مارچ سلیکٹڈ وزیر اعظم کے استعفیٰ تک جاری رہے گا۔
مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.