ایف آئی اے کی کارروائی ،گوجرانوالہ سے 4 ہزار افراد کو اسمگل کرنیوالا ملزم گرفتار

ملزم انسانی اسمگلنگ میں ملوث بین الاقوامی گروہ کا سرغنہ ہے، گروہ میں ایرانی اور ترکش افراد بھی شامل

اتوار 13 اکتوبر 2019 13:50

ایف آئی اے کی کارروائی ،گوجرانوالہ سے 4 ہزار افراد کو اسمگل کرنیوالا ..

اسلام آباد (اُردو پوائنٹ اخبارتازہ ترین - این این آئی۔ 13 اکتوبر2019ء) ایف آئی اے نے گوجرانوالہ میں کارروائی کرتے ہوئے 4 ہزار سے زائد افراد کو غیر قانونی طریقے سے بیرونِ ملک بھیجنے والے انسانی اسمگلر کو گرفتار کر لیا۔ایف آئی اے کے ڈپٹی ڈائریکٹر رائے نصر اللّٰہ کے مطابق گوجرانوالہ کے علاقے شاہین آباد میں کارروائی کرتے ہوئے ریڈ بٴْک کے ملزم فیصل ملک کو گرفتار کیا گیا ۔

(جاری ہے)

ملزم انسانی اسمگلنگ میں ملوث بین الاقوامی گروہ کا سرغنہ ہے، اس گروہ میں ایرانی اور ترکش افراد بھی شامل ہیں۔ملزم کے گروہ نے اب تک پاکستان کے زمینی راستے سے 4 ہزار سے زائد افراد کو اسمگل کیا ہے۔ملزم کے خلاف گوجرانوالہ میں 6، گجرات میں 28، لاہور میں 14 جبکہ فیصل آباد اور اسلام آباد میں ایک ایک مقدمہ درج ہے۔ملزم بیرون ملک روپوش تھا اور سوشل میڈیا کے ذریعے ایف آئی اے افسران کو دھمکیاں بھی دیتا تھا۔