چین کی غیر ملکی تجارتی درآمد اور برآمد میں 2.8 فیصد اضافہ

پیر 14 اکتوبر 2019 15:15

بیجنگ (اُردو پوائنٹ اخبارتازہ ترین - اے پی پی۔ 14 اکتوبر2019ء) چین میں رواں سال کے پہلے 9 مہینوں میں درآمدات اور برآمدات کی مجموعی مالیت 229کھرب چینی یوآن رہی ، جس میں گزشتہ سال کی اسی مدت کے مقابلے میں 2.8 فیصد کا اضافہ ہوا۔

(جاری ہے)

چینی کسٹمز کی جنرل ایڈمنسٹریشن کے ترجمان اور محکمہ شماریاتی تجزیہ کے ڈائریکٹر لی کوئی ون نے کہا کہ رواں سال کے آغاز سے عالمی معاشی ترقی سست روی کا شکار ہے اور تجارتی تحفظ پسندی میں اضافہ ہوا ہے لیکن اس کے باوجود چین کی بیرونی تجارت مستحکم اور توانا ہے۔

ڈبلیو ٹی او کے جاری کردہ تازہ ترین اعداد و شمار کے مطابق ، رواں سال جنوری سے جولائی تک چین کی درآمد اور برآمد کی ترقی کی رفتار جرمنی ، جاپان اور جنوبی کوریا سمیت دیگر ممالک کے مقابلے میں بدستور تیز رہی اور چین کی دنیا میں سامان کی تجارت کے لحاظ سے سب سے بڑے ملک کی حیثیت برقرار ہے۔