نیشنل گیمز میں شرکت کیلئے پنجاب آرچری ٹیم کے چناؤ کے سلسلہ میں ایک روزہ اوپن ٹرائلز کل ہونگے

پیر 14 اکتوبر 2019 15:40

اسلام آباد (اُردو پوائنٹ اخبارتازہ ترین - این این آئی۔ 14 اکتوبر2019ء) پاکستان آرچری فیڈریشن اور پنجاب اولمپک ایسوسی ایشن کی زیرنگرانی نیشنل گیمز میں شرکت کے لئے پنجاب آرچری ٹیم کے چناؤ کے سلسلہ میں ایک روزہ اوپن ٹرائلز کل منگل کو صبح نو بجے پنجاب آرچری ٹریننگ سنٹر نزد ہاکی سٹیڈیم نمبر2، نشتر سپورٹس کمپلیکس لاہور میں ہونگے۔

(جاری ہے)

پاکستان آرچری فیڈریشن کے سیکرٹری جنرل وصال محمد خان نے بتایاکہ ٹرائلز کے تمام انتظامات مکمل کر لئے گئے ہیں اور ٹرائلز میں پنجاب بھر سے مرد اور خواتین کھلاڑی حصہ لے سکتے ہیں۔

ٹرائلز کے موقع پر پاکستان آرچری فیڈریشن کے سیکرٹری جنرل وصال محمد خان اور پنجاب اولمپک ایسوسی ایشن کے سیکرٹری جنرل ادریس حیدر خواجہ بھی موجود ہونگے۔ منتخب ٹیم نیشنل گیمز میں شرکت کرے گی اور آرچری کا ایونٹ 26 اکتوبر سے یکم نومبر تک پشاور کے حیات آباد سپورٹس کمپلیکس میں کھیلا جائے گا جس میں ملک بھر سے 9 ٹیمیں حصہ لیں گی جن میں پاکستان آرمی، پاکستان واپڈا، پاکستان پولیس، ہائر ایجوکیشن کمیشن، اسلام آباد، پنجاب، سندھ، بلوچستان اور خیبر پختونخوا کی ٹیمیں شامل ہیں۔