رگبی ورلڈ کپ کا ناک آئوٹ مرحلہ 19 اکتوبر سے شروع ہوگا

منگل 15 اکتوبر 2019 13:51

ٹوکیو (اُردو پوائنٹ اخبارتازہ ترین - اے پی پی۔ 15 اکتوبر2019ء) جاپان میں جاری نویں رگبی ورلڈ کپ 2019ء کا کوارٹر فائنل مرحلہ 19 اکتوبر سے شروع ہوگا۔ دفاعی چیمپئن نیوزی لینڈ، انگلینڈ، آسٹریلیا، آئرلینڈ، ویلز، فرانس، جاپان اور جنوبی افریقہ نے کوارٹر فائنل کیلئے کوالیفائی کیا ہے، ٹورنامنٹ کے پہلے کوارٹر فائنل میں انگلینڈ اور آسٹریلیا کی ٹیمیں مدمقابل ہوں گی جبکہ اسی روز دوسرا کوارٹر فائنل دفاعی چیمپئن نیوزی لینڈ اور آئرلینڈ کے مابین کھیلا جائے گا۔

(جاری ہے)

20 اکتوبر کو تیسرے کوارٹر فائنل میں ویلز اور فرانس کی ٹیمیں آمنے سامنے ہوں گی جبکہ چوتھا اور آخری کوارٹر فائنل جاپان اور جنوبی افریقہ کے درمیان کھیلا جائے گا۔ میگا ایونٹ کا پہلا سیمی فائنل 26 اکتوبر، دوسرا 27 اکتوبر جبکہ فائنل 2 نومبر کو کھیلا جائے گا۔