اسلام آباد پولیس نے پولیس ملازم بن کر لوگوں کو لوٹنے والے بین الصوبائی گروہ کے تین ملزمان گرفتار کرلئے

منگل 15 اکتوبر 2019 14:27

اسلام آباد (اُردو پوائنٹ اخبارتازہ ترین - این این آئی۔ 15 اکتوبر2019ء) آئی جی اسلام آباد محمد عامر ذوالفقار خان کی ہدایات پر سی آئی اے پولیس نے کارروائی کے دور ان پولیس ملازم بن کر لوگوں کو لوٹنے والے بین الصوبائی گروہ کے تین ملزمان گرفتار کرلئے ۔ کاروائی ڈی ایس پی سی آئی اے حاکم خان اور ٹیم نے کی ۔

(جاری ہے)

بین الصوبائی گروہ کے ملزمان میں ثمین اللہ، آفاق خالد اورعدیل عتیق شامل ہیں ۔

ملزمان کے قبضے سے شہریوں سے چھینی گئی نقدی، موبائل اور پولیس وردیاں برآمد کرلی گئیں ،ملزمان سے وارداتوں کے دوران استعمال کرنے والے اسلحہ،ایمونیشن برآمد کی گئیں ،ملزمان کے خلاف مقدمات درج کرکے مزید تفتیش شروع کردی۔آئی جی اسلام آباد اور ڈی آئی جی آپریشنز نے پولیس ٹیم کی کارکردگی کو سراہا ۔