اسلام آباد کے نجی اور سرکاری ہسپتالوں میں گزشتہ 24 گھنٹوں 235 ڈینگی کیسز رپورٹ ہوئے

منگل 15 اکتوبر 2019 14:32

اسلام آباد (اُردو پوائنٹ اخبارتازہ ترین - این این آئی۔ 15 اکتوبر2019ء) اسلام آباد کے نجی اور سرکاری ہسپتالوں میں گزشتہ 24 گھنٹوں 235 ڈینگی کیسز رپورٹ ہوئے۔ ذرائع کے مطابق اسلام آباد میں گزشتہ ایک ہفتے میں 2 ہزار5سو سے زائد مریض رپورٹ ہوئے۔ترجمان پمز کے مطابق پمز میں گزشتہ چوبیس گھنٹوں میں 130 سے زائد مریضوں میں ڈینگی وائرس کی تصدیق ہوئی ہے ۔

(جاری ہے)

ترجمان پمز کے مطابق ڈینگی وارڈ میں داخل مریضوں کی تعداد 70سے زائد ہوگئی۔ ترجمان پولی کلینک کے مطابق پولی کلینک میں ڈینگی کے ،99 مریض زیر علاج ہیں۔ترجمان پولی کلینک نے کہاکہ پولی کلینک میں اب تک چھ مریض جان کی بازی ہارچکے ہیں۔ترجمان پولی کلینک کے مطابق پولی کلینک میں اب تک ڈینگی کے 3 ہزار نو سو مریضوں کا علاج کیا گیا۔نجی ہسپتالوں میں 85 مریض زیر علاج ہیں ،اسلام آباد میں اب تک 8 ہزار740 سے زائد ڈینگی کیسز سامنے آئے۔