پاک چین تجارت کا حجم 19.08 ارب ڈالر تک پہنچ گیا
وزیراعظم عمران خان سی پیک کو پورے خطے کے لئے گیم چینجر سمجھتے ہیں، منصوبے نے پاکستان اور چین کو فعال اور مؤثر اقتصادی شراکت دار ثابت کردیا ہے چین میں پاکستان کی سفیر نغمانہ ہاشمی کا چینی اخبار میں مضمون
جمعرات 17 اکتوبر 2019 13:37
(جاری ہے)
دونوں ممالک کے درمیان سائنس اینڈ ٹیکنالوجی ، سماجی اور اقتصادی شعبوں اور پر امن مقاصد کے لئے جوہری ٹیکنالوجی کے شعبوں میں تعاون جاری ہے۔
نغمانہ ہاشمی نے کہا کہ دونوں ممالک کے درمیان تعلقات کی جڑیں ثقافت اور تاریخ میں جڑی ہے۔ پاکستانی سفیر نے کہا کہ اس وقت چین کی اعلیٰ ترین یونیورسٹیوں میں 28 ہزار سے زیادہ پاکستانی طالب علم زیر تعلیم ہیں اسی طرح چینی طلباء و طالبات پاکستانی تعلیمی اداروں میں پڑھ رہے ہیں۔ چین اور پاکستان کے درمیان عوامی سطح پر روابط میں بھی اضافہ ہو رہا ہے ۔ اس وقت سب سے زیادہ چین کے شہری پاکستان آرہے ہیں۔ پاکستانی سفیر نے پاک چین اقتصادی راہداری ( سی پیک) کو دونوں ممالک کے درمیان تعلقات کو ایک اہم موڑ قرار دیتے ہوئے کہا ہے کہ یہ قدیم شاہراہ ریشم کا احیاء ہے۔ زمانہ قدیم سے چینی تاجر انہی راستوں سے یورپ کی طرف تجارتی کاروان لے کر جاتے تھے۔ انہوں نے کہاکہ سی پیک کے تحت پاکستان میں بجلی کی پیداوار اور ترسیلی منصوبوں کے پہلے مرحلے پر عملدرآمد کا آغاز ہو گیا ہے۔ اس کے نتیجہ میں بنیادی ڈھانچے کے منصوبوں جیسے شاہراہوں ،ریلویز، ہوائی اڈوں، بندر گاہوں، گیس پائپ لائنز اور آپٹک فائبر کے منصوبوں کو اپ گریڈ کیا گیا ۔ سی پیک کے دوسرے مرحلے میں سماجی اور اقتصادی ترقی اور نئی ملازمتوں کی پیداوار پر توجہ دی جائے گی۔ اسی طرح خصوصی اقتصادی زونز قائم کئے جا رہے ہیں جہاں چینی سرمایہ کاروں کے ساتھ مشترکہ منصوبوں کی حوصلہ افزائی کی جائے گی ۔پاکستانی سفیر نے کہا کہ زراعت پاکستان کی معیشت کی ریڑھ کی ہڈی ہے۔ پاکستان اور چین کے درمیان زراعت کے شعبے میں تعاون جاری ہے۔ انہوں نے کہا کہ صدر شی جن پنگ کے بیلٹ اینڈ روڈ اور وزیر اعظم پاکستان کے نئے پاکستان کے وژن میں یکسانیت پائی جاتی ہے ۔وزیراعظم عمران خان کو سی پیک کو نہ صرف پاکستان بلکہ پورے خطے کے لئے گیم چینجر سمجھتے ہیں۔ سی پیک نے پاکستان اور چین کو فعال اور مؤثر اقتصادی شراکت دار ثابت کردیا ہے۔ انہوں نے کہا کہ علاقائی صورتحال کے نتاظر میں چین اور پاکستان کے درمیان پالیسی کی سطح پر ہم آہنگی پائی جاتی ہے۔ انہوں نے کہا کہ پاکستان اور چین کے درمیان آزمودہ دوستی اور باہمی تعلقات قائم ہیں۔ دونوں ممالک کے درمیان سدا بہار دوستی اور سٹریٹجک پارٹنر شپ قائم ہے اور مستقبل میں دونوں ممالک کے مابین تعلقات مزید فروغ پائیںگے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.