پاکستان کی رینکنگ میں 15 درجے بہتری،

ورلڈ اکنامک فورم پاکستان کا شمار ان چندممالک میں ہوتا ہے جہاں ایک ہی دن میں کمپنی رجسٹرڈ ہوجاتی ہے، رپورٹ

جمعرات 17 اکتوبر 2019 13:49

کراچی(اُردو پوائنٹ اخبارتازہ ترین - این این آئی۔ 17 اکتوبر2019ء) دنیا بھر کی معیشت پر نظر رکھنے والے ادارے ورلڈ اکنامک فورم نے عالمی مسابقتی رپورٹ جاری کردی ہے، جس کے مطابق پاکستان کی رینکنگ میں 15 درجے بہتری آئی۔ورلڈ اکنامک فورم کی جانب سے جاری ہونے والی رپورٹ کے مطابق عالمی مسابقت کے معاملے پر دنیا میں پاکستان کا درجہ 15 درجے بہتری کے بعد 52ویں نمبر پر آگیاہے۔

(جاری ہے)

عالمی مسابقتی رپورٹ کے مطابق گزشتہ برس پاکستان کادرجہ 67تھا، گورننس کے معاملے پر پاکستان کے سکیورٹیز اینڈ ایکسچینج کمیشن دنیا کا ساتواں موثر ریگو لیٹر قرار دیا گیاہے۔رپورٹ میں بتایا گیا ہے کہ کاروبارشروع کرنے میں پاکستان کی درجہ بندی میں6پوائنٹس کی بہتری ہوئی، گزشتہ برس رینکنگ میں پاکستان کا نمبر 96 تھا مگر اب بہتری کے بعد 90ویں نمبر ہوگیا۔رپورٹ کے مطابق پاکستان کا شمار ان چندممالک میں ہوتا ہے جہاں ایک ہی دن میں کمپنی رجسٹرڈ ہوجاتی ہے، کاروباری لاگت سے متعلق پاکستان کی رینکنگ گزشتہ سال کی پوزیشن پر مستحکم رہی۔مسابقتی رپورٹ میں بتایا گیا ہے کہ ایس ای سی پی نے ڈیجیٹلائزیشن سے متعلق کئی اصلاحات متعارف کرائی ہیں۔