کویت کا پاکستان سے افرادی قوت کی درآمد کے لیے مفاہمتی یادداشت پر دستخط کرنے کے لیے اصولی طور پر اتفاق

جمعہ 18 اکتوبر 2019 19:03

اسلام آباد ۔ (اُردو پوائنٹ اخبارتازہ ترین - اے پی پی۔ 18 اکتوبر2019ء) کویت نے پاکستان سے افرادی قوت کی درآمد کے لیے مفاہمتی یادداشت پر دستخط کرنے کے لیے اصولی طور پر اتفاق کر لیا ہے۔وزیر اعظم کے معاون خصوصی برائے اوورسیز پاکستانیز ذوالفقار بخاری او ر کویت کی وزیر اکنامک افیئرز مریم ہاشم کے درمیان ابوظہبی ڈائیلاگ کے پانچویں وزارتی سیشن کے موقع پر ملاقات میں اتفاق کیا گیا ۔

(جاری ہے)

وزارت اوورسیز کے اعلیٰ آفیسر نے اے پی پی سے گفتگو کرتے ہوئے بتایا کہ کویت پاکستان سے صحت،تعلیم،زراعت اور تعمیرات سے متعلق افرادی قوت کو درآمد کرے گا اور مفاہمتی یادداشت کے بعد کویتی لیبر مارکیٹ پاکستانی افرادی قوت کے لیے کھل جائے گی۔ابوظہبی میں ملاقات کے دوران دونوں ممالک کے اعلیٰ حکام نے پاکستانیوں کے لیے کویت کے ویزا پراسس کو آسان بنانے پر بھی اتفاق کیا۔