سابق صدر آصف علی زرداری کی صحت پرتشویش ہے ، خدانخوستہ کی زندگی کو نقصان ہوا تو ذمہ دار عمران خان ہونگے، لطیف کھوسہ

جمعہ 18 اکتوبر 2019 20:08

اسلام آباد (اُردو پوائنٹ اخبارتازہ ترین - این این آئی۔ 18 اکتوبر2019ء) سابق صدر آصف علی زرداری کے وکیل سردار لطیف کھوسہ نے کہا ہے کہ سابق صدر آصف علی زرداری کی صحت پرتشویش ہے ، خدانخوستہ آصف زرداری کی زندگی کو نقصان ہوا تو ذمہ دار عمران خان ہونگے ۔ ایک بیان میں سردار لطیف کھوسہ نے کہاکہ عمران خان ذہنی تسکین کیلئے آصف زرداری کو تکلیف دے رہے ہیں ۔

(جاری ہے)

انہوںنے کہاکہ کٹھ پتلی حکومت میڈیکل بورڈ کی سفارشات کے برعکس کام کر رہی ہے ۔ انہوںنے کہاکہ عمران خان کان کھول کر سن لے آصف زرداری جھکنے والے نہیں ۔ انہوںنے کہاکہ آصف زرداری کو جیل میں رکھنا انہیں قتل کرنے کے مترادف ہے ۔ انہوںنے کہاکہ پنڈی سے دو تابوب سندھ گئے ہیں، تیسرے قتل کی سازش ہو رہی ہے ۔ انہوںنے کہاکہ طبی سہولیات آصف زرداری کا قانونی حق ہے ۔