اداکارہ صائم علی متعددفلموں میں اداکاری کرکے مصروف ترین اداکارائوں کی صف میں شامل ہوگئیں

لاہور(اُردو پوائنٹ اخبارتازہ ترین - این این آئی۔ 19 اکتوبر2019ء) پاکستان فلم انڈسٹری کی معروف اداکارہ صائم علی ان دنوں متعددزیرتکمیل فلموں میں اپنی اداکاری کے جوہردکھا رہی ہیں،جن میں ’’مہربلو‘‘،’’پترغنڈے دا‘‘،’’عشق میراانمول‘‘سمیت دیگر فلمیں شامل ہیں،زیادہ فلموں میں ایک ساتھ کام کرکے اداکارہ صائم علی مصروف ترین اداکارائوں کی صف میں شامل ہوگئی ہیں۔

(جاری ہے)

ایک انٹرویو میں صائم علی نے بتایا کہ میں ان دنوں بہت سی زیرتکمیل فلموں میں اداکاری کررہی ہوںسبھی فلمیں زبردست کامیابی حاصل کریں گی،لیکن ان فلموں میں سے فلم ’’عشق میراانمول‘‘کی کہانی روٹین کی فلموں سے کچھ منفردہے جس کو فلم بین ضرورسراہیں گے،انہوں نے کہا کہ فلم میں وہ گلوکارواداکارصفدرماہی کے ساتھ بطورہیروئن کام کررہی ہوں،اس فلم کی دیگرکاسٹ میں راحیلہ آغا،دردانہ رحمن،شفقت چیمہ،اچھی خان،باسوچودھری،جہانگیرجانی،فیصل کھچی،جاویدچودھری،مقصودعالم ودیگرملٹی سٹارکاسٹ شامل ہے۔صائم علی نے کہا کہ امیدہے کہ فلم’’عشق میراانمول‘‘ کی ریلیزسے روٹھے ہوئے فلم بین ضرورسینماگھروں کا رخ کریں گے۔