برطانیہ اور پاکستان نے فراڈ کے ملزمان کے خلاف مشترکہ کارروائیاں شروع کر دیں

دونوں ممالک میں خورد برد کرنے والے ملزم نثار افضل سے لندن میں 30 کروڑ روپے برآمد کر لیے گئے

اتوار 20 اکتوبر 2019 20:40

لندن (اُردو پوائنٹ اخبارتازہ ترین - این این آئی۔ 20 اکتوبر2019ء) برطانیہ اور پاکستان نے فراڈ کے ملزمان کے خلاف مشترکہ کارروائیاں شروع کر دیں، دونوں ممالک میں خورد برد کرنے والے ملزم نثار افضل سے لندن میں 30 کروڑ روپے برآمد کر لیے گئے۔

(جاری ہے)

برطانیہ میں کروڑوں روپے کا فراڈ کرکے پاکستان آنے والے نثار افضل نے اپنے ملک میں بھی دھوکا دہی جاری رکھی۔ نیب نے تحقیقات کے لیے برطانوی حکام کو خط لکھا جس پر برطانوی نیشنل کرائم ایجنسی نے نثار افضل کی فیملی سے 30 کروڑ روپے برآمد کر لیے۔قومی احتساب بیورو (نیب) نے ملزم کے خلاف انکوائری کو باقاعدہ تحقیقات میں منتقل کرنے کی منظوری دے دی ہے، اب گرفتاریاں ہوں گی۔