تحریک انصاف اسلام آباد کو ریجن بنانے کے فیصلے پر چیف آرگنائزر سیف اللہ خان نیازی کو خراج تحسین پیش کرتے ہیں، فرید رحمان

پیر 21 اکتوبر 2019 15:48

اسلام آباد (اُردو پوائنٹ اخبارتازہ ترین - اے پی پی۔ 21 اکتوبر2019ء) پاکستان تحریک انصاف اسلام آباد ریجن کے صدر فرید رحمان نے کہا ہے کہ تحریک انصاف اسلام آباد کو ریجن بنانے کے فیصلے پر چیف آرگنائزر سیف اللہ خان نیازی کو خراج تحسین پیش کرتے ہیں، اس فیصلے سے اسلام آباد کو قومی سطح کی فیصلہ سازی میں کردار ادا کرنے کا بھرپور موقع ملے گا۔

(جاری ہے)

پیرکو جاری بیان میں انہوں نے کہاکہ وفاقی دارالحکومت کی حیثیت سے اسلام آباد کو پوری دنیا میں خاص اہمیت حاصل ہے۔اسلام آباد ریجن تین حصوں این اے 52، این اے 53 اور این اے 54 پر مشتمل ہو گا۔ ان تینوں حلقوں کی تنظیم سازی میں مشاورت سے میرٹ پر فیصلے کیے جائیں گے اور ورکرز کو اعتماد میں لیا جائے گا۔ فرید رحمان نے کہاکہ عوام کے مسائل اور ان کے حل کے لیے جلد از جلد بلاک کوڈ لیول تک تنظیم سازی اولین ترجیح ہو گی۔مؤثر تنظیم سازی سے ہی آئیندہ بلدیاتی الیکشن میں بھرپور نتائج حاصل کیے جا سکتے ہیں۔