ڈینگی کے 883 نئے کیسز درج ہوئے جن سے مجموعی تعداد 34359 ہو گئی

پیر 21 اکتوبر 2019 17:05

اسلام آباد(اُردو پوائنٹ اخبارتازہ ترین - این این آئی۔ 21 اکتوبر2019ء) پاکستان میں گزشتہ چوبیس گھنٹوں کے دوران ڈینگی کے 883 نئے کیسز درج ہوئے جن سے مجموعی تعداد 34359 ہو گئی ہے۔ذرائع وزارت صحت کے مطابق گزشتہ 24 گھنٹوں کے دوران اسلام آباد میں ڈینگی کے 135 مریض مختلف اسپتالوں میں لائے گئے ہیں جس سے مجموعی تعداد 9713 ہو گئی ہے۔محکمہ صحت کے اعدادوشمار کے مطابق پنجاب 7576 اور سندھ میں 6147 ڈینگی کیس سامنے آئے ہیں۔

خیبرپختونخوا میں5789 اور قبائلی اضلاع 491 ڈینگی کیس کا اندراج ہوا ہے۔بلوچستان 2877، آزادکشمیر1448 اور ملک کے دیگر علاقوں سی318 ڈینگی کیس سامنے آئے ہیں۔ذرائع محکمہ صحت کے مطابق رواں برس وفاقی دارالحکومت میں ڈینگی سے 18، سندھ 19، پنجاب 10، بلوچستان 3، آزادکشمیر ڈینگی سے 1 شخص جاں بحق ہوا ہے۔

(جاری ہے)

رواں برس ملک میں ڈینگی سے 47 اموات ہوچکی ہیں جب کہ گزشتہ 24 گھنٹوں میں ملک میں ڈینگی سے ایک مریض جاں بحق ہوا ہے۔

اسلام آباد کے سرکاری اسپتالوں میں 200 سیزائد اور نجی اسپتالوں میں ڈینگی کے 70 مریض زیر علاج ہیں۔ گزشتہ ہفتے میں دو ہزار دوسو مریض ڈینگی مریضوں کا علاج کیا گیا ہے۔پمز میں گزشتہ چوبیس گھنٹوں میں 80 سے زائد اور پولی کلینک میں 69 مریضوں میں ڈینگی وائرس کی تصدیق ہوئی ہے۔وفاقی دارالحکومت میں 142 رسپانس ٹیمز اور 66 سپرے ٹیمز ڈینگی سے نمپٹنے میں مصروف ہیں۔ پولی کلینک میں ڈینگی کی84سے زائد مریض زیر علاج ہیں۔

Facebook Twitter Google + Share on Whatsapp

ڈینگی کے 883 نئے کیسز درج ہوئے جن سے مجموعی تعداد 34359 ہو گئی

متعلقہ عنوان :

مزید اہم خبریں