سندھ کے عوام پیپلزپارٹی سے تنگ آچکے ہیں،رہنماء پی ٹی آئی

پیر 21 اکتوبر 2019 17:35

سکھر۔ (اُردو پوائنٹ اخبارتازہ ترین - اے پی پی۔ 21 اکتوبر2019ء) پاکستان تحریک انصاف کے رہنما الاہی بخش انیل بھٹی نے اپنے جاری کردہ اعلامیہ میں کہا ہے کہ عوام سے ناانصافیاں کی گئیں، جس پر سندھ کے عوام پیپلزپارٹی سے تنگ آچکے ہیں، لاڑکانہ میں ضمنی الیکشن میں پی پی امیدوار کو شکست سے ثابت ہوتا ہے کہ لاڑکانہ اب پیپلزپارٹی کا گڑھ نہیں رہا، ان کا کہنا تھا کہ وزیر اعظم پاکستان عمران خان کی جانب سے کرپشن کے خاتمے کے لئے کیے جانے والے اقدامات قابل ستائش ہیں، کرپٹ افراد کا احتساب ہونے کے بعد اب سندھ کے عوام نے بھی خوف سے نکل کر ہونے والی ناانصافیوں کا جواب دے دیا ہے اور لاڑکانہ میں ضمنی الیکشن نے ثابت کردیا ہے کہ لاڑکانہ کے عوام پیپلزپارٹی سے تنگ آچکے ہیں۔

(جاری ہے)