پاک فوج کے خلاف تقریر پر مولانا فضل الرحمان کے خلاف کارروائی کے لیے اسلام آباد ہائی کورٹ میں درخواست دائر

پیر 21 اکتوبر 2019 22:07

پاک فوج کے خلاف تقریر پر مولانا فضل الرحمان کے خلاف کارروائی کے لیے ..
اسلام آباد(اُردو پوائنٹ اخبارتازہ ترین - آن لائن۔ 21 اکتوبر2019ء) پاک فوج کے خلاف تقریر پر مولانا فضل الرحمان کے خلاف کارروائی کے لیے اسلام آباد ہائی کورٹ میں درخواست دائر کر دی گئی۔ درخواست میں مولانا فضل الرحمان کی تقاریر اور ان کی سیاسی جماعت پر پابندی عائد کرنے کی بھی استدعا کی گئی ہے۔

(جاری ہے)

تفصیلات کے مطابق ایک شہری شاہجہاں خان خٹک کی جانب سے اسلام آباد ہائی کورٹ میں درخواست جمع کرائی گئی ہے جس میں مولانا فضل الرحمان، وفاق کو بذریعہ وزیراعظم اور چیف الیکشن کمشنر سمیت چیئرمین پیمرا کو فریق بنایا گیا ہے۔

درخواست میں کہا گیا ہے کہ مولانا فضل الرحمان نے پاک فوج کے خلاف تقریر کی ، مولانا فضل الرحمان کی تقاریر اور ان کی سیاسی جماعت پر پابندی عائد کرنے کے احکامات جاری کیے جائیں اور وزیراعظم آفس سے پوچھا جائے کہ انہوں نے ابھی تک مولانا فضل الرحمان کی تقاریر پر کوئی ایکشن کیوں نہیں لیا