ختم نبوت اور کشمیر کے معاملے پر وزیر اعظم نے عالمی سطح پر واضح آواز اٹھائی اور عالمی طاقتوں کو پیغام دیا ہے اب ایسے مسائل نہیں ، علی نواز اعوان

جمعیت علمائے اسلام کے رہنما دھاندلی کا ایشو اٹھا رہے ہیں جس پر کمیٹی بن چکی ہے اب مولانا فضل الرحمان آکر حکومتی کمیٹی سے مذاکرات کریں،انٹرویو

منگل 22 اکتوبر 2019 14:00

ختم نبوت اور کشمیر کے معاملے پر وزیر اعظم نے عالمی سطح پر واضح آواز ..

اسلام آباد (اُردو پوائنٹ اخبارتازہ ترین - این این آئی۔ 22 اکتوبر2019ء) پاکستان تحریک انصاف کے رہنما علی نواز اعوان نے کہا ہے کہ ختم نبوت اور کشمیر کے معاملے پر وزیر اعظم نے عالمی سطح پر واضح آواز اٹھائی اور عالمی طاقتوں کو پیغام دیا ہے اب ایسے مسائل نہیں ایک انٹرویومیں انہوںنے کہاکہ انہوں نے کہا کہ مولانا فضل الرحمان دھاندلی کا ایشو اٹھا رہے ہیں جس پر کمیٹی بن چکی ہے اب مولانا فضل الرحمان آکر حکومتی کمیٹی سے مذاکرات کریں۔

(جاری ہے)

رہنما تحریک انصاف نے کہا کہ مولانا فضل الرحمان واضح پیغام لے کر اسلام آباد آئیں ہم نہیں روکیں گے،وہ مسلح جتھوں کے بغیر آئیں کوئی کچھ نہیں کرے گا۔انہوں نے کہا کہ ہمیں تو حکومت میں آئے ابھی تو ایک سال ہی ہوا ہے اور جب ہمیں حکومت ملی تو 40 فیصد لوگ غربت سے بھی نیچے تھے۔ ہمیں تو ورثہ میں حکومت اتنی بری حالت میں ملی لیکن اس کے باوجود ہم تو ملک کو بہتری کی طرف لے کر جا رہے ہیں۔