دنیا کے بہترین نصابوں کو سامنے رکھ کر نصاب تیار کیا جائیگا،شفقت محمود

اسلام آباد (اُردو پوائنٹ اخبارتازہ ترین - این این آئی۔ 23 اکتوبر2019ء) وفاقی وزیر تعلیم شفقت محمود نے کہا ہے کہ دنیا کے بہترین نصابوں کو سامنے رکھ کر نصاب تیار کیا جائیگا، اتفاق رائے سے ایک نصاب کو لانے کی کوششیں کی جا رہی ہیں، مارچ تک نصاب کو لاگو کرنے کی کوشش کی جائے گی۔ بدھ کو وفاقی وزیر تعلیم شفقت محمود نے ’’بچوں کا ادبی جشن ‘‘ تقریب سے خطاب کرتے ہوئے کہاکہ بچوں کو دیکھ کر اپنا بچپن کی یاد تازہ ہو گیا۔

انہوںنے کہاکہ دنیا تبدیل ہوتی جا رہی ہے،،کتاب ایک میڈیم تھا جس سے علم آتا تھا، اب یہ میڈیم بدلتا جا رہا ہے، ٹیکنالوجی نے دنیا کو بدل کر رکھ دیا ہے، ہم نے ایک نئے نصاب پر کام کرنا شروع کیا ہے، انہوںنے کہاکہ دنیا کے بہترین نصابوں کو سامنے رکھ کر نصاب تیار کیا جائیگا، انہوںنے کہاکہ یہ نصاب پاکستان کے تمام سکولوں میں لاگو ہو گا۔

(جاری ہے)

انہوںنے کہاکہ قومی نصاب بنانے میں ہمارا قدم مثبت ہے، صوبائی حکومتیں اور دیگر اداروں کا تعاون شامل ہے۔

وفاقی وزیر نے کہاکہ اتفاق رائے سے ایک نصاب کو لانے کی کوششیں کی جا رہی ہیں، مارچ تک نصاب کو لاگو کرنے کی کوشش کی جائے گی ۔وفاقی وزیر نے کہاکہ ناانصافی کے نظام کو ختم کرنا وزیراعظم کا چیلنج ہے، انشاء اللہ پاکستان بہت آگے جائیگا۔انہوںن ے کہاکہ پاکستان کے مستقبل کے معمار یہ بچے بہت صلاحتیں رکھتے ہیں۔