بالائی پنجاب اسلام آباد ،گلگت بلتستان اور کشمیر میں مطلع ابر آلود رہے گا، محکمہ موسمیات

بدھ 23 اکتوبر 2019 13:31

لاہور (اُردو پوائنٹ اخبارتازہ ترین - اے پی پی۔ 23 اکتوبر2019ء) محکمہ مو سمیا ت کے مطا بق آئندہ چو بیس گھنٹوں کے دوران بالائی پنجاب، اسلام آباد،گلگت بلتستا ن اور کشمیر میں مطلع ابرآلود رہے گا، بلند پہاڑی علاقوں میں ہلکی برف باری کا امکان ہے جبکہ ملک کے دیگر علاقوں میں بدستور موسم خشک اور سرد رہے گا۔

(جاری ہے)

محکمہ موسمیات کے مطابق گزشتہ24 گھنٹوں کے دوران لاہور ڈویژن سمیت راولپنڈی، گوجرانوالہ، فیصل آباد، اسلام آباد میں موسم سرد رہا۔ بدھ کی صبح صوبائی دارالحکومت لاہور کا درجہ حرارت زیادہ سے زیا دہ 19 سینٹی گریڈ اور کم سے کم 17 سینٹی گریڈرہا جبکہ ہوا میں نمی کا تنا سب 82 فیصد رہا۔