مقبوضہ کشمیر، کل جماعتی حریت کانفرنس کی حریت قیادت کے بارے میں گورنر کے بیان کی مذمت
ْکشمیری عوام گورنر کے بیان کے پیچھے کارفرما مذموم مقاصد سے ا چھی طرح سے واقف ہیں ، ترجمان
بدھ 23 اکتوبر 2019 15:14
(جاری ہے)
ترجمان نے کہا کہ حریت رہنمائوں کے پاس چھپانے کیلئے کچھ نہیں ہے اور کشمیری عوام انکی قربانیوں اور تحریک آزاد ی میں انکے کردار سے اچھی طرح واقف ہیں ۔ انہوں نے کہا کہ مزاحمتی قیادت بھارتی قبضے کے خلاف جدوجہد میں عام آدمی کے ساتھ کندھے سے کندھا ملا کر کھڑی ہے جبکہ بھارت اور اسکی کٹھ پتلیاں پہلے روز سے ان لوگوں کو بدنام کرنے کی کوششوں میںلگے ہوئے ہیں جو جدوجہد آزادی کا ہر اول دستہ ہے لیکن وہ ماضی میں اپنے ناپاک منصوبے میں ناکام ہو گئے اور آئندہ بھی ناکام ہونگے۔
کل جماعتی حریت کانفرنس کے ترجمان نے کہا کہ بھارتیہ جنتاپارٹی کی حکومت کی طرف سے مقبوضہ کشمیر کی خصوصی حیثیت ختم کرنے کے غیر قانونی اقدام کے خلاف کشمیریوں کی طرف سے شروع کی گئی سول نافرمانی کی تحریک نے بھارت کو مزید حواس باختہ کردیا ہے اور وہ حریت رہنمائوں کے خلاف اوچھے ہتھکنڈوں پر اتر آیا ہے۔ انہوں نے کہا کہ حریت رہنمائوں نے ماضی میں بھی بھارتی حکمرانوںکے تمام مذموم منصوبوں کو ناکام بایا ہے اور وہ مستقبل میں بھی انکے شیطانی منصوبوںکو شکست دیں گے۔ ترجمان نے کہا کہ کشمیری عوام جدوجہد آزادی میں بے مثال قربانیاں دے رہے ہیں اور مزاحمتی قیادت بھی اس مقدس کاز کیلئے اپنا کردار بخوبی نبھا رہی ہے اوربھارتی فورسز کے ہاتھوں میرواعظ مولوی محمد فاروق، خواجہ عبدالغنی لون، مولانا شوکت احمد شاہ،شیخ عبدالعزیز، میر حفیظ اللہ اور محمد یوسف ندیم کی شہادت ایک ناقابل تردید حقیقت ہے۔ ترجمان نے کہا کہ گورنر کا بیان ان کی بوکھلاہٹ کو ظاہر کرتا ہے کیونکہ بھارت بدنام زمانہ بھارتی تحقیقاتی اداروں ’’ این آئی اے اور انفورسمنٹ ڈائریکٹوریت‘‘ کو حریت رہنمائوں کے پیچھے لگانے سمیت تمام تر وحشیانہ حربوں کے باوجودانہیں آزادی کی جدوجہد سے پیچھے ہٹانے میں ناکام رہا ہے۔ انہوںنے کہا کہ کل جماعتی حریت کانفرنس کے چیئرمین سید علی گیلانی کے بیٹوں کو پوچھ گچھ کے لیے طلب کرنا ، میر واعظ عمر فاروق کی نئی دہلی میں این آئی آئی کے ہیڈکوارٹرز پر پوچھ گچھ ، خواتین رہنمائوں آسیہ اندرابی ، ناہیدہ نسرین، فہمیدہ صوفی کی نئی دلی کی تہاڑ جیل میں نظر بندی ، سید صلاح الدین کے بیٹوں کی گرفتاری، حریت رہنمائوں شبیر احمد شاہ اور آسیہ اندرابی کی جائیدادیں ضبط کرنا گورنر کے بیان کو بے بنیاد ظاہر کرنے کیلئے کافی ہے۔ ترجمان نے کہا کہ کل جماعتی حریت کانفرنس کے سینئر رہنما محمد اشرف صحرائی کے بیٹے جنید اشرف کی مسلح مزاحمت کی باضابط شمولیت بھی گورنر کے دعوے کو جھٹلانے کیلئے کافی ہے۔ ترجمان نے اپنے بیان میں کہا کشمیر سے باہر پڑھائی کیلئے جانے والے کشمیری طلباء میں سے اکثر وہ طلباء ہیں جو اپنے گھروں پر بھارتی ریاستی دہشت گردی کا شکار تھے حتی ٰ کہ ان میں سے بہت سوں کے والد بھارتی فوجیوں نے شہید کر دیے ہیں اور ایسے یتیم بچوںکو اندرون یا بیرون کشمیر تعلیم کی سہولیات فراہم کرنے میں کوئی برائی نہیں ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.