مشرقی شام کے سرحدی علاقے میں کار بم دھماکہ ، 13 افراد ہلاک ہوگئے، دھماکہ اس وقت ہوا جب ہزاروں لوگ احتجاجی مظاہرہ کر رہے تھے،میڈیا رپورٹس

اتوار 3 نومبر 2019 20:50

دمشق۔ (اُردو پوائنٹ اخبارتازہ ترین - اے پی پی۔ 03 نومبر2019ء) مشرقی شام کے سرحدی علاقے میں کار بم دھماکے میں 13 افراد ہلاک ہوگئے۔ دھماکہ اس وقت ہوا جب ہزاروں لوگ احتجاجی مظاہرہ کر رہے تھے۔میڈیا رپورٹس کے مطابق دھماکہ خیز مواد سے بھری گاڑی کردوں کے زیر کنٹرول شہر تال آباد کے راستے وہاں تک پہنچائی گئی۔

(جاری ہے)

9 اکتوبر کو شروع ہونے والے حملوں کے سلسلے کو روکنے کیلئے گزشتہ ہفتے جنگ بندی کے اعلان کے باوجود اس دھماکے سے شام کی آٹھ سالہ جنگی حالات میں انسانی تباہی کا یہ تازہ ترین سانحہ ہے۔ ترکی کی وزارت دفاع نے حملے کا الزام کرد جنگجوئوں پر عائد کرتے ہوئے بتایا کہ حملے میں 13 شہری مارے گئے ہیں جبکہ شامی آبزرویٹری برائے انسانی حقوق کے مطابق دھماکے میں 14 افراد ہلاک ہوئے ہیں۔