ایران کا عالمی جوہری ادارے کی خاتون انسپکٹر کو خوف زدہ کرنا شرم ناک ہے،امریکا

امریکا ایران میں ایٹمی توانائی کی عالمی ایجنسی کی تحقیقاتی سرگرمیوں کو مکمل سپورٹ کرتا ہے،ترجمان محکمہ خارجہ

ہفتہ نومبر 14:06

ایران کا عالمی جوہری ادارے کی خاتون انسپکٹر کو خوف زدہ کرنا شرم ناک ..
واشنگٹن(اُردو پوائنٹ اخبارتازہ ترین - این این آئی۔ 09 نومبر2019ء) امریکی وزیر خارجہ مائیک پومپیونے کہاہے کہ ایران نے ایٹمی توانائی کی عالمی ایجنسی (آئی اے ای ای)کی خاتون انسپکٹر کے ساتھ جس طرح کا معاملہ کیا ہے وہ شرم ناک ہے۔غیرملکی خبررساں ادارے کے مطابق پومپیو نے ایک بیان میں کہا کہ یہ دہشت زدہ کرنے کا ایک وحشیانہ اور بلا جواز عمل ہے۔

(جاری ہے)

ایٹمی توانائی کی عالمی ایجنسی نے جمعرات کے روز ایک اعلان میں بتایا تھا کہ اس کی ایک خاتون انسپکٹر کو گذشتہ ہفتے مختصر عرصے کے لیے ایران سے کوچ کرنے سے روک دیا گیا تھا۔

ایجنسی کے مطابق یہ برتا ئوکسی طور بھی قابل قبول نہیں۔امریکی بیان میں باور کرایا گیا کہ واشنگٹن ایران میں ایٹمی توانائی کی عالمی ایجنسی کی تحقیقاتی سرگرمیوں کو مکمل سپورٹ کرتا ہے البتہ ہمیں ایران کی جانب سے مطلوبہ تعاون نہ ہونے پر تشویش ہے۔پومپیو کے مطابق ایٹمی توانائی کی عالمی ایجنسی کے انسپکٹروں کو بلا رکاوٹ اپنا کام انجام دینے کی اجازت دی جانی چاہیے۔