نک میڈیسن کی ذہنی تنائو کے باعث پاکستان کے خلاف ٹور میچ کھیلنے سے معذرت

ہفتہ 9 نومبر 2019 14:25

پرتھ (اُردو پوائنٹ اخبارتازہ ترین - اے پی پی۔ 09 نومبر2019ء) آسٹریلوی اوپنر نک میڈیسن نے ذہنی تنائو کے باعث پاکستان کے خلاف تین روزہ ٹور میچ کھیلنے سے معذرت کر لی ہے، 27 سالہ میڈیسن حالیہ دنوں میں نفسیاتی مسائل کی وجہ سے کرکٹ سے رخصت لینے والے آسٹریلیا کے دوسرے کھلاڑی ہیں، ان سے قبل جارح مزاج بلے باز گلین میکسویل ذہنی تنائو کے باعث سری لنکا کے خلاف ٹی 20 سیریز کے دوران دستبردار ہو گئے تھے، نک میڈیسن تین ٹیسٹ اور چھ ٹی 20 انٹرنیشنل میچز میں آسٹریلیا کی نمائندگی کر چکے ہیں، کرکٹ آسٹریلیا نے میڈیسن کی جگہ ویسٹرن آسٹریلیا کے بلے باز کیمرون بنکرافٹ کو پاکستان کے خلاف ٹور میچ کیلئے طلب کر لیا ہے۔