کرتارپور کا افتتاح قائد کے ویژن کی روشنی میں برداشت اور بین المذاہب ہم آہنگی کی جانب بڑا قدم ہے، سینیٹر فیصل جاوید

ہفتہ 9 نومبر 2019 15:10

اسلام آباد (اُردو پوائنٹ اخبارتازہ ترین - این این آئی۔ 09 نومبر2019ء) پاکستان تحریک انصاف کے سینٹر فیصل جاوید نے بابری مسجد بارے سپریم کورٹ کے فیصلے پر رد عمل کا اظہار کرتے ہوئے کہا ہے کہ کرتارپور کا افتتاح قائد کے ویژن کی روشنی میں برداشت اور بین المذاہب ہم آہنگی کی جانب بڑا قدم ہے۔ ایک بیان میں انہوںنے کہاکہ دنیا آج دو ممالک میں تحریر کی جانے والی دو مختلف کہانیاں دیکھ رہی ہے۔

(جاری ہے)

انہوںنے کہاکہ پاکستان بین المذاہب ہم آہنگی اور مذہبی رواداری کے فروغ کی جانب پیش قدمی کررہا ہے۔انہوںنے کہاکہ دوسری طرف بھارت کا انتہاپسند چہرہ دنیا پر آشکار ہورہا ہے۔انہوںنے کہاکہ ریاست ہند میں اقلیتوں کے حقوق پر مکمل شب خون ماری جارہی ہے،پاکستان کرتارپور دربار صاحب کے افتتاح کیلئے تیار ہے۔انہوںنے کہاکہ کرتارپور کا افتتاح قائد کے ویژن کی روشنی میں برداشت اور بین المذاہب ہم آہنگی کی جانب بڑا قدم ہے۔انہوںنے کہاکہ کرتار پور کا افتتاح وزیراعظم اور آرمی چیف کا تاریخی اقدام ہے۔