مولانا فضل الرحمن کی زیر صدارت جے یو آئی (ف) کی مرکزی مجلس عاملہ کا مشاورتی اجلاس

منگل 12 نومبر 2019 21:00

اسلام آباد ۔ (اُردو پوائنٹ اخبارتازہ ترین - اے پی پی۔ 12 نومبر2019ء) جمعیت علمائے اسلام (ف) کے سربراہ مولانا فضل الرحمن کی زیر صدارت منگل کواہم مشاورتی اجلاس ان کی رہائش گاہ پر منعقد ہوا۔ اجلاس میں مرکزی مجلس عاملہ کے علاوہ چاروں صوبائی امراء اور دیگر رہنمائوں نے شرکت کی۔

(جاری ہے)

اجلاس میں تمام صوبائی امیروں نے آزادی مارچ اور دھرنے کے حوالے سے اپنی آراء پر مبنی بریفنگ دی۔ اجلاس میں کشمیر ہائی وے پر آزادی مارچ کے مستقبل کے بارے میں لائحہ عمل پر بھی غور کیا گیا۔ اجلاس میں آزادی مارچ اور دھرنے کے پلان بی کو حتمی شکل دیدی گئی ہے جبکہ اس حوالے سے تمام پلان کو دستاویزی شکل دینے بارے حتمی فیصلہ مولانا فضل الرحمن کریں گے۔