آزاد تجارت کے معاہدے کے تحت پاکستان کی 313 مصنوعات کو آئندہ ماہ سے چین میں ڈیوٹی فری رسائی کی سہولت حاصل ہو جائے گی،

چین کو ملبوسات کی برآمدات 20 گنا بڑھانے کا موقع ملے گا، ذرائع وزارت تجارت

بدھ 13 نومبر 2019 11:37

آزاد تجارت کے معاہدے کے تحت پاکستان کی 313 مصنوعات کو آئندہ ماہ سے ..

اسلام آباد (اُردو پوائنٹ اخبارتازہ ترین - اے پی پی۔ 13 نومبر2019ء) پاکستان اور چین کے درمیان آزاد تجارت کے معاہدے کے تحت پاکستان کی 313 مصنوعات کو آئندہ ماہ سے چین میں ڈیوٹی فری رسائی کی سہولت حاصل ہو جائے گی۔

(جاری ہے)

وزارت تجارت کے ذرائع کے مطابق دونوں ممالک کے درمیان آزاد تجارت کا معاہدہ یکم دسمبر سے فعال ہو جائے گا اور چین میں قبل از وقت آزاد تجارت کے دوسرے مرحلے کے معاہدے کو فعال کرنے کی منظوری دی ہے جس سے پاکستان کی برآمدات بڑھانے اور چین کی مارکیٹ تک اپنی مصنوعات پہنچانے میں مدد ملے گی۔

آزاد تجارت کے معاہدے کے بعد پاکستان جنوب مشرقی ایشیائی ممالک کے برابر چین کی مارکیٹ تک رسائی حاصل کر سکے گا اور پاکستان کو مینوفیچکرنگ اور خاص طور پر ملبوسات کے شعبے پر ٹیرف میں کمی کی وجہ سے چین کے لئے ملبوسات کی برآمدات 20 گنا بڑھانے کا موقع حاصل ہو گا۔ چین کے ساتھ آزاد تجارت کے معاہدے کے نتیجہ میں ٹیکسٹائل اور دیگر شعبوں کی برآمدات میں ریکارڈ اضافے کا امکان ہے اور اس سلسلہ میں حکومت نے برآمد کنندگان کو تمام سہولیات فراہم کرنے کی یقین دہانی کرائی ہے۔