نیشنل گیمز، واپڈا نے ٹیبل ٹینس ٹیم ایونٹ میں گولڈ میڈلز جیت لئے

بدھ 13 نومبر 2019 23:18

پشاور۔13نومبر(اُردو پوائنٹ اخبارتازہ ترین - اے پی پی۔ 13 نومبر2019ء) واپڈا نے آرمی کو شکست دیکر نیشنل گیمز ٹیبل ٹینس مرد وخواتین ٹیم ایونٹ میں گولڈ میڈلز جیت لئے۔

(جاری ہے)

مرد فائنل میں واپڈا کے محمد رمیض نے آرمی کے سلمان ورک کو گیارہ پانچ، گیارہ پانچ، سات گیارہ، بارہ دس سے، عاصم قریشی نے فیضان ظہور کو بارہ دس، گیارہ سات، گیارہ سات، بلال یاسین نے عبید شاہ کو سات گیارہ، آٹھ گیارہ، سولہ چودہ، گیارہ آٹھ، گیارہ پانچ سے شکست دیکر گولڈ میڈلز اپنے نام کئے۔

خواتین فائنل میں واپڈا کی شبنم بلال نے آرمی کی عائشہ فہیم کو گیارہ پانچ، گیارہ چھ، گیارہ تین، صنم یاسین نے ثناء مظفر کو گیارہ آٹھ، گیارہ سات، تیرہ گیارہ، سعدیہ فلک نے سیماب کو گیارہ تین گیارہ چھ اور گیارہ چھ سے شکست دیکر گولڈ میڈلز حاصل کئے۔ قبل ازیں پہلے سیمی فائنل میں واپڈا نے سندھ کو تین صفر جبکہ آرمی نے ریلوے کو تین ایک سے شکست دیکر فائنل کے لئے کوالیفائی کیا تھا۔