ایبٹ آباد میں جاری 33 ویں قومی کھیلوں کے خواتین رگبی مقابلے فائنل مرحلے میں داخل

جمعرات 14 نومبر 2019 17:40

ایبٹ آباد۔ (اُردو پوائنٹ اخبارتازہ ترین - اے پی پی۔ 14 نومبر2019ء) ایبٹ آباد میں جاری 33 ویں قومی کھیلوں کے خواتین رگبی مقابلے فائنل مرحلہ میں داخل ہو گئے۔ پاکستان آرمی اور پاکستان واپڈا کی ٹیموں نے فائنل تک رسائی حاصل کر لی۔ ایبٹ آباد کے کنج فٹ بال گرائونڈ میں منعقدہ اس ایونٹ کے پہلے سیمی فائنل میں پاکستان آرمی نے میزبان کے پی کو مکمل آئوٹ کلاس کرتے ہوئے صفر کے مقابلے میں 46 سکور سے شکست دی۔

(جاری ہے)

دوسرے سیمی فائنل میچ میں پاکستان واپڈا نے پاکستان ریلویز کو 27-0 کے سکور سے زیر کیا اور فائنل کھیلنے کا اعزاز حاصل کیا۔ اس سے قبل کھیلے گئے کوارٹر فائنل کے مرحلے میں واپڈا نے بلوچستان اور کے پی کی ٹیموں کو 49-0 کے سکور سے شکست دی۔ آرمی نے ریلویز کو 27-0 سے اور کے پی نے سندھ کو 10-0 سے ہرایا۔ سندھ اور بلوچستان کا میچ بغیر کسی سکور کے برابر رہا۔ ایبٹ آباد میں کھلاڑی بہتر انتظامات کی وجہ سے مطمئن نظر آئیں۔