پاکستان سٹیزن پورٹل نے سب سے زیادہ شکایات کا ازالہ کرنے والے سر فہرست 10 افسران کی فہرست جاری کر دی

جمعرات 14 نومبر 2019 18:05

اسلام آباد ۔ (اُردو پوائنٹ اخبارتازہ ترین - اے پی پی۔ 14 نومبر2019ء) پاکستان سٹیزن پورٹل نے اداروں سے متعلق سب سے زیادہ شکایات کا ازالہ کرنے والے سر فہرست 10 افسران کی فہرست جاری کر دی ہے۔

(جاری ہے)

جمعرات کو یہاں جاری اعدادو شمار کے مطابق سوئی ناردرن گیس پائپ لائن لمیٹڈ(ایس این جی پی ایل) کے مینیجنگ ڈائریکٹر 74 ہزار 294 شکایات کے ازالے کے ساتھ سر فہرست رہے جبکہ میپکو کے چیف ایگزیکٹو آفیسر 33 ہزار 588 شکایات نمٹانے کے ساتھ دوسرے نمبر پر رہے، دیگر 8 افسران میں آئیسکو کے شکایات مینیجر نے 23 ہزار 571 شکایات، پیسکو کے چیف ایگزیکٹو آفیسر نے 22 ہزار 389 شکایات، فیسکو کے چیف ایگزیکٹو آفیسر نے 18 ہزار 514 شکایات، پاکستان ٹیلی کمیونیکیشن اتھارٹی کے چیئرمین نے 12 ہزار 540 شکایات، گیپکو کے چیف ایگزیکٹو آفیسر نے 11 ہزار 599 شکایات، حیسکو کے چیف ایگزیکٹو آفیسر نی 10 ہزار 945 شکایات، گورنر سٹیٹ بنک آف پاکستان نے 10 ہزار 369 اور چیف ایگزیکٹو افسر سیپکو نے 9 ہزار 182 شکایات کا ازالہ کیا۔