ہم صوبے میں یکساں اور متو ازن ترقی پر یقین رکھتے ہیں،گورنر بلوچستان امان اللہ خان یاسین زئی

جمعرات 14 نومبر 2019 21:49

کوئٹہ۔ (اُردو پوائنٹ اخبارتازہ ترین - اے پی پی۔ 14 نومبر2019ء) گورنر بلوچستان امان اللہ خان یاسین زئی نے کہا ہے کہ ہم صوبے میں یکساں اور متو ازن ترقی پر یقین رکھتے ہیں، ہماری خواہش اور کوشش ہوتی ہے کہ تمام اضلاع با لخصوصی پسماندہ علاقوں کے عوام کو اٴْن کی دہلیز پر بنیادی سہولتیں پہنچائیں۔

(جاری ہے)

گورنر بلوچستان امان اللہ خان یاسین زئی نے کہا کہ ہنہ او ڑک نہ صرف صوبے بھرسے بلکہ پورے ملک سے سیر وتفریح کیلئے ہنہ اوڑک کا رخ کرتے ہیں، لہٰذا ضروری ہے کہ ہنہ اوڑک کے عوام کو صحت ،تعلیم ،صاف پانی کے راہمی سمیت تمام ضروری سہولتیں فراہم کیا جائے۔

ان خیالات کا اظہار انہوںنے جمعرات کے روز گورنر ہاوس کوئٹہ میں مولوی رحمت اللہ کی قیادت میں ہنہ ا وڑک وفد سے ملاقات کرتے ہوئے کیا۔وفد نے گورنر بلوچستان علاقے کے عوام کو درپیش مسائل ومشکلا ت سے آگاہ کیا۔گورنر بلوچستان امان اللہ خان یاسین زئی نے ان کے مسائل و مشکلات کو غور اور توجہ سے سٴْنا اور ان کے پائیدار حل کیلئے ہر ممکن تعاون کی یقینی دھانی کرائی۔